| e-texts navigator |
| Wylie |
361b1 པའོ།། རྒྱལ་བ་ཀུན་གྱི་གནས་རྫོགས་པ།། སྣ་རྩེ་ཐིག་ལེ་རིན་ཆེན་ལྔ།། དབང་པོ་དྲུག་གི་ཡུལ་དང་ལྡན།། ཡན་ལག་བགྲང་དང་བགྲང་འདས་པར།། མཚན་མ་རྣམ་པ་བཞི་ལྡན་ཞིང་།། ཇི་སྲིད་བསྟན་པའི་གནས་སུ
361b2 བཞག། བྱང་ཆུབ་སེམས་ཀུན་རྫོགས་པས་ན།། བཅུ་དྲུག་ཆ་ཤས་གྲངས་ལས་འདས།། མི་ལྡོག་གནས་ཀྱི་ཏིང་ངེ་འཛིན།། ཉི་ཟླའི་དཀྱིལ་འཁོར་སྦྱར་བའོ།། རིམས་བཞིན་དབང་པོ་དྲུག་གི་ཡུལ།། སྤྲོ་དང་བསྡུ་བའི
361b3 ཡན་ལག་གིས།། གསང་སྔགས་ཕྱག་རྒྱ་སྐུར་རྫོགས་པར།། རིགས་གཅིག་གསུམ་དང་ལྔ་ལ་སོགས།། ཐབས་ཀྱི་ཡན་ལག་བསམ་ཡས་ཤིང་།། ཞིང་ཁམས་གནས་ཀུན་དག་པར་བྱེད།། རྡོ་རྗེ་འཁོར་ལོ་རིན་ཆེན
361b4 དང་།། པདྨ་མཚན་བཅས་རལ་གྲིར་བཅས།། འོད་ཟེར་སྣ་ལྔའི་ཕྲེང་བ་ཉིད།། ཀུན་ནས་འཁྲིགས་པའི་སྔགས་དང་བཅས།། གསུམ་གྱི་དམ་ཚིག་ཡེ་ཤེས་ཆེ།། ཁ་སྦྱོར་ཐིག་ལེ་ལས་རྫོགས་པའོ།། ཕྱག་རྒྱ་གསང་བའི
361b5 ཡི་གེ་མཆོག། བདུན་འགྱུར་དྲག་པོའི་གསང་ཚིག་བཅས།། མ་ནིང་གནས་ལས་གྲོལ་བ་ཡིས།། རང་གི་སངས་རྒྱས་ཐམས་ཅད་ལ།། རིན་ཆེན་གའུའི་བཅུད་རྫོགས་པས།། ཉི་ཟླའི་དཀྱིལ་འཁོར་རྒྱས་པར
361b6 འགྱུར།། གནས་དང་གནས་མིན་གསང་བའི་ཡུལ།། ཕྲ་མོའི་སེམས་ཀྱི་ཏིང་འཛིན་གྱིས།། ཐ་སྙད་ཐམས་ཅད་འགོག་བྱེད་ཅིང་།། ཁམས་གསུམ་སྐྱེ་འགྲོ་རྣམ་པར་དག། ཡང་དག་འཕེལ་བས་གོམས་པ་དང་།། བརྡ་ཡི།
iiif viewer powered by OpenSeadragon
