| e-texts navigator |
| Wylie |
359a1 བརྗོད་དཔའ་བོ་ཆེ།། མི་ཤིགས་ཡན་ལག་བརྟན་བྱས་པས།། དངོས་གྲུབ་དོན་ཀུན་གསང་བའི་ཚུལ།། མདུན་གྱི་འཁོར་ལོ་ལ་བརྟེན་ཏེ།། ཀུན་ཀྱང་ཕྱག་འཚལ་མཆོད་འབུལ་ཞིང་།། རྒྱུན་བཤགས
359a2 རྗེས་སུ་ཡི་རང་དང་།། ཆོས་ཀྱི་འཁོར་ལོ་བསྐོར་མཛད་དེ།། མྱ་ངན་མི་འདའ་བརྟན་པར་གནས།། ཡང་དག་བྱང་ཆུབ་ལམ་ལ་གནས།། ཕྱོགས་རྣམས་ཀུན་ནས་ལུས་འབུལ་ཞིང་།། རྗེས་སུ་གནང་བའི་བཀའ་ཐོབ།
359a3 ནས།། དེ་དག་སྤྱོད་པ་རྒྱ་ཆེན་པོ།། མ་ལུས་འགྲོ་གནས་ལ་བལྟས་ཏེ།། སྡུག་བསྔལ་ཐམས་ཅད་བསལ་བྱེད་ཅིང་།། བདེ་བའི་ཚོགས་རྣམས་བསྒྲུབས་བྱས་ཏེ།། ཐར་པ་མྱ་ངན་འདས་པའི་ལམ།། དོན་རྫོགས་བཏང
359a4 སྙོམས་ཆེན་པོའི་དབྱིངས།། ཡང་དག་བསོད་ནམས་རྒྱ་ཆེན་པོ།། མི་དམིགས་རྟོགས་པའི་ཤེས་རབ་ཀྱིས།། འཁོར་གསུམ་ཡོངས་སུ་དག་པ་ཉིད།། ཡེ་ཤེས་ཚོགས་ཀྱི་གནས་ཡིན་ནོ།། གཞི་རྩ་མཚན་མ་ཀུན་དང
359a5 བྲལ།། ཕྱི་ནང་ཡུལ་ཀུན་མ་སྐྱེས་པའི།། ཐམས་ཅད་གཉིས་མེད་བྱང་ཆུབ་སེམས།། མ་ལུས་དོན་མཆོག་གསང་བའི་གསང་།། འགྲོ་ལ་ཁྱབ་པའི་ཐུགས་རྗེ་ཉིད།། རང་བཞིན་ངང་གིས་རྣམ་པར་དག། ཐམས་ཅད
359a6 མཚན་ཉིད་རྫོགས་པ་ཡི།། སྟོང་གསལ་རིགས་པའི་ཡེ་ཤེས་ཉིད།། མུན་ལ་སྣང་བྱུང་འོད་ཀྱི་ཚུལ།། སངས་རྒྱས་ཀུན་གྱི་བདག་ཉིད་ཀྱི།། ཡེ་ཤེས་སྟོབས་རྫོགས་ཀུན་ཏུ་བཟང་།། གློ་བུར་སྤྲིན་གྱི་ཚོགས་དངས
iiif viewer powered by OpenSeadragon
