| e-texts navigator |
| Wylie |
358a1 དཀར་བའི་བཞིན་རྒྱས་པར།། ཀུན་ནས་འོད་ཟེར་ཕྲེང་བས་བཀླུབས།། སེམས་དཔའ་གསུམ་གྱི་བདག་ཉིད་ཅན།། གསང་སྔགས་ཕྲེང་བས་འཁྲིགས་པ་ཡི།། འོད་འཕྲོ་འབར་བའི་དཀྱིལ་འཁོར
358a2 ཉིད།། གཅིག་དང་གསུམ་ལ་སོགས་པའི་བདག། ལྷག་པར་མོས་པའི་གནས་བསྒོམས་ཏེ།། པདྨ་ཨཱཾ་ཡིག་དཔལ་ལྡན་པར།། ཐབས་དང་ཤེས་རབ་ཕྲེང་བའི་གནས།། དཔའ་བོ་ཐིག་ལེ་རྫོགས་པ་ཉིད།། འོད་ཕྲེང
358a3 སྔགས་ཀྱི་རྣམ་པ་ཡིས།། ཕྲ་མོ་རྫོགས་པའི་བར་དུ་བསྒོམ།། གཉིས་མེད་ཡེ་ཤེས་རྣམ་གྲོལ་བས།། གསུང་གི་དཀྱིལ་འཁོར་བརྟན་པར་འགྱུར།། མཆོག་ལྡན་རྡོ་རྗེ་སེམས་དཔའ་ཉིད།། དཀྱིལ་འཁོར་རྒྱས་པའི་གནས
358a4 སུ་སྟེ།། མཐའ་ཡས་དཀྱིལ་འཁོར་རྒྱས་པར་འབར།། རྟེན་དང་རྟེན་གནས་མཉམ་སྙོམས་ཤིང་།། ཕྱག་རྒྱའི་མཚན་མ་སྣ་ཚོགས་དབུས།། མགོན་པོ་ཞལ་གསུམ་ཕྱག་དྲུག་པ།། མཐིང་ཀ་དཀར་དང་དམར་བའི
358a5 འོད།། རྡོ་རྗེ་ལ་སོགས་མཚན་མའི་ཚོགས།། སེམས་དཔའ་གསུམ་གྱི་བདག་ཉིད་ཅན།། ཐིག་ལེ་ཕྲ་མོའི་ཆ་རྫོགས་པར།། བཟླས་པའི་ཡན་ལག་མ་ཉམས་ཤིང་།། རིགས་ཀྱི་དཀྱིལ་འཁོར་བརྟན་པར་མཛད།། ཀུན
358a6 ནས་ཡོན་ཏན་རྫོགས་པའི་ཆོས།། རིན་ཆེན་གནས་ཀུན་ལོངས་སྤྱོད་པ།། དེ་ནས་ཕོ་བྲང་བརྟན་པའི་དབུས།། དཀྱིལ་འཁོར་བྱེ་བྲག་མཐའ་ཡས་ཀུན།། མ་ལུས་འདུས་པའི་ངོ་བོ་ཉིད།། ཞལ་གསུམ་ཕྱག་དྲུག་རྒྱན
iiif viewer powered by OpenSeadragon
