| e-texts navigator |
| Wylie |
355b1 དབྱིངས།། རང་བཞིན་གཅིག་ཏུ་རྫོགས་པ་ལ།། རྣམ་པར་བཀོད་པས་ཅི་ཞིག་འགྲུབ།། བྱ་བ་མེད་ལས་བྱ་བའི་ཚུལ།། བདེན་པ་གཉིས་སུ་དབྱེར་མེད་པ།། འདི་དག་སངས་རྒྱས་ཐེག་པའི་མཆོག། ལྷ་མི་སྟོབས་ལྡན
355b2 ལ་སོགས་པའི།། སྒྱུར་བཅས་ལམ་ལས་རྣམ་གྲོལ་བས།། འབྲས་བུ་རིག་པ་འཛིན་པའི་མཆོག། ཆོས་རྣམས་ཀུན་གྱི་རྒྱུ་ཉིད་དེ།། དེ་དག་འབྲས་བུ་བཟང་པོའི་ཚུལ།། སྙིང་པོའི་དོན་ཀུན་རྫོགས་པས་ན།། མ་ལུས
355b3 ཀུན་འདུས་གཏན་ལ་འབེབས།། ཇི་སྙེད་ཐེག་པ་བསམ་ཡས་པ།། དེ་དག་གསང་བའི་སྙིང་པོ་བཞི།། དོན་ཀུན་ངོ་བོ་རྣམ་དག་པའི།། དེ་ཉིད་ངེས་པར་རྨད་དུ་བྱུང་།། དེ་ལྟར་བསྟན་པ་སྣ་ཚོགས་པས།། མ་ལུས་ཆོས
355b4 རྣམས་ཡང་དག་རྫོགས།། རང་བཞིན་ཡེ་ཤེས་དཀྱིལ་འཁོར་གནས།། སྔོན་འབྱུང་སྤྲུལ་པའི་ཚུལ་གྱིས་ནི།། དུས་རྣམས་ཀུན་ཏུ་འགྱུར་མེད་ཅིང་།། ཡང་དག་མཐར་ཐུག་གནས་རྫོགས་པར།། དཀྱིལ་འཁོར་བསྟན
355b5 པའི་ངོ་བོ་ཉིད།། ཅེས་གསུངས་སོ།། རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བའི་སྙིང་པོ་དེ་ཁོ་ན་ཉིད་རོལ་པ་ཆེན་པོའི་རྒྱུད་ལས།། རང་བཞིན་གྱི་དཀྱིལ་འཁོར་བསྟན་པའི་ལེའུ་སྟེ་བཞི་པའོ།། །། དེ་ནས
355b6 ཏིང་འཛིན་ཆེན་པོ་ཡིས།། དགོངས་པའི་དོན་ཀུན་མཉམ་བཞག་པས།། ཆོས་རྣམས་ཇི་ལྟར་གནས་པ་ཡི།། ཏིང་འཛིན་ཡེ་ཤེས་རྟེན་རྫོགས་མཛད།། དེ་ཚེ་འཁོར་གྱི་གཙོ་བོ་དག། རབ་ཏུ་གུས་པས་གསོལ་འདེབས
iiif viewer powered by OpenSeadragon
