| e-texts navigator |
| Wylie |
354b1 པ་བཞི་དག་གིས།། འགྲོ་བ་ཀུན་གྱི་དོན་མཛད་དེ།། ཀུན་ནས་སྐུ་ཡི་ཕྲིན་ལས་དང་།། གསུང་མཆོག་ཡོན་ཏན་མཐའ་ཡས་པ།། དེ་དག་སྣང་བའི་སྒོ་མཐའ་ཡས།། ཐུན་མོང་ཁྱད་པར་མཛད་པའི་ཚོགས།། བཅུ་གཉིས
354b2 ལ་སོགས་བསྟན་པར་མཛད།། མངོན་པར་ཤེས་པའི་སྒོ་མཐའ་ཡས།། རབ་ཏུ་ཞི་བ་མ་འདྲེས་པའི།། ཐེག་པའི་བྱེ་བྲག་བསམ་ཡས་པ།། སོ་སོའི་དོན་བཞིན་བསམ་ཡས་རྣམས།། རབ་ཏུ་སྤྱོད་པས་རྣམ་པར
354b3 དགྲོལ།། མི་དགེ་བཅུ་ལས་བཟློག་བྱེད་ཅིང་།། ཚད་མེད་བཞིར་བཅས་བསམ་གཏན་བཞི།། ལྷ་དང་མི་གནས་རྫོགས་པ་ཡི།། དགེ་བ་ཚོགས་ནས་མ་བསྒྲིབས་པ།། ལེགས་སྤྱོད་སྡོམ་པ་བཟང་ལས་བྱུང་།། ལས་ཀྱི
354b4 བག་ཆགས་དག་བྱེད་པའོ།། འཁོར་ནས་མྱ་ངན་འདས་པའི་ཆོས།། སྡུག་བསྔལ་ཀུན་འབྱུང་འགོག་པའི་ལམ།། རྒྱུ་དང་འབྲས་བུ་རྣམ་དག་པའི།། རྒྱུན་ཞུགས་ལན་ཅིག་འོང་བ་དང་།། མི་ལྡོག་དགྲ་བཅོམ་བརྟུལ
354b5 ཞུགས་མཆོག། རང་རྒྱལ་བྱང་ཆུབ་རྫོགས་པའི་ལམ།། རྟེན་ཅིང་འབྲེལ་བར་འབྱུང་བའི་ཆོས།། དེ་གནས་འཁོར་བའི་མཐའ་འགོག་ཅིང་།། མྱ་ངན་འདས་པར་མངོན་པར་གཉེར།། མ་རིག་འདུ་བྱེད་རྣམ་ཤེས
354b6 དང་།། མིང་སོགས་གཟུགས་དང་སྐྱེ་མཆེད་དྲུག། རེག་པ་ཚོར་བ་སྲེད་པ་དང་།། ལེན་པ་སྲེད་པ་སྐྱེ་རྒས་ཤི།། ཆོས་རྣམས་མངོན་པར་དགའ་བའི་མཐུས།། འཕགས་པའི་ཡེ་ཤེས་ཟད་པ་མེད།། ཉོན་མོངས་ལས་དང
iiif viewer powered by OpenSeadragon
