| e-texts navigator |
| Wylie |
353b1 ཀུན་གྱི་གཞི།། དེ་དག་རྣམ་པར་མཚོན་བྱེད་པའི།། ཟབ་མོ་རྒྱ་ཆེན་སྔགས་ཀྱི་ཚོགས།། ཡི་གེ་མེད་པ་རིག་པའི་གསུང་།། ལོངས་སྤྱོད་རྫོགས་པ་རྡོ་རྗེ་དང་།། ཡན་ལག་བསམ་འདས་ཚངས་པའི་དབྱངས།། ཚུལ
353b2 ལྔས་ཐམས་ཅད་དོན་བརྗོད་མཛད།། ཡང་དག་མཚོན་པའི་དཔེ་ལས་འདས།། རྣམ་པར་མི་རྟོག་ཡེ་ཤེས་ཆེ།། ཀུན་རྫོབ་ཅིར་ཡང་མ་འགགས་པའི།། ཐམས་ཅད་མཁྱེན་པ་ཀུན་ནས་སྤྱོད།། ཆོས་དབྱིངས་མེ་ལོང་ལྟ
353b3 བུ་ཡི།། མཉམ་ཉིད་སོ་སོར་ཀུན་ཏུ་རྟོག། བྱ་བའི་ཡེ་ཤེས་ལས་ཆེན་པོ།། དུས་གསུམ་སྒྲིབ་མེད་གསལ་མཛད་ཅིང་།། བྱང་ཆུབ་སེམས་ཀྱི་གནས་རྫོགས་མཛད།། རྣམ་གསུམ་བྱིན་རླབས་སྦྱོར་བའི་མཐུས།། ཡོན་ཏན
353b4 ཚོགས་རྣམས་ཀུན་ལ་སྤྱོད།། ཞིང་དང་ཕོ་བྲང་ཡོན་ཏན་དང་།། ལོངས་སྤྱོད་རྒྱན་དང་བཙུན་མོའི་ཚོགས།། གདན་དང་རྒྱན་ཆས་ལ་སོགས་པ།། མི་བསྒྲིབ་ལོངས་སྤྱོད་ལྡན་པ་ལྔས།། ཕྱོགས་བཅུ་ཀུན་ཏུ་མ་འགགས
353b5 པའི།། རང་གི་དཀྱིལ་འཁོར་ཚོགས་ལོངས་སྤྱོད།། ཐབས་མཁས་ཕྲིན་ལས་མཛད་པ་ཡི།། མ་འདྲེས་ཀུན་ཏུ་སྤྱོད་པའི་ཚོགས།། ཞི་དང་རྒྱས་མཛད་དབང་དྲག་པོ།། མཉམ་པ་ཆེན་པོ་ལྷུན་གྲུབ་རྫོགས།། དེ་དག་ཕྲིན
353b6 ལས་རྣམ་ལྔ་ཡིས།། དོན་ཀུན་བསྟན་པ་འདུལ་མཛད་ཅིང་།། རིགས་ཀྱི་དཀྱིལ་འཁོར་ཀུན་རྫོགས་པའོ།། མི་ཟད་རྒྱན་གྱི་འཁོར་ལོ་ཉིད།། ཀུན་ནས་སྐུ་གསུང་ཐུགས་ཀྱི་བདག། ཡོན་ཏན་ཕྲིན་ལས་རྫོགས
iiif viewer powered by OpenSeadragon
