| e-texts navigator |
| Wylie |
353a1 ཀུན་གྱིས་ཐེག་པ་འདི།། བརྡ་ཚིག་སྦས་པས་དོན་སྟོན་ཅིང་།། གྲངས་ཅན་བྱེ་བྲག་འདོད་རྣམས་ལ།། དེ་དག་དེ་ཉིད་གྲོལ་བྱེད་པའི།། དོན་མཐུན་བསྟན་པས་བཤད་པ་ཡིན།། སྣང་བ་རྒྱ་མཚོ་ཆེན་པོ
353a2 བཞི།། མ་གཡོས་རང་གི་ངང་ལས་བྱུང་།། དེ་དག་རིམ་པས་རྫོགས་འགྱུར་ཏེ།། རྣམ་པར་མི་ཤིགས་གཟུགས་ཉིད་དོ།། དེ་བཞིན་གཤེགས་པ་ཐམས་ཅད་ཀྱི།། ཕྱག་རྒྱ་སྦས་པའི་ཚུལ་འདི་ཡིས།། རབ་ཏུ་རྟོག་བཅས
353a3 གྲོལ་འགྱུར་ཏེ།། རང་བཞིན་ངང་ཚུལ་བཟང་པོའི་གནས། རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་སྙིང་པོ་དེ་ཁོ་ན་ཉིད་རོལ་པ་ཆེན་པོའི་རྒྱུད་ལས། ཕྱག་རྒྱ་ཡོངས་སུ་གཟུང་བའི་ལེའུ་སྟེ་གསུམ་པའོ།། །། དེ
353a4 ནས་རྒྱལ་བ་ཐམས་ཅད་ཀྱི།། བྱིན་རླབས་ངོ་མཚར་བླ་ན་མེད།། ཀུན་ནས་མི་བསྒྲིབ་དྲི་མེད་ཅིང་།། ཡང་དག་ཡེ་ཤེས་ཆེན་པོས་གྲོལ།། དེ་ཚེ་སངས་རྒྱས་ཐམས་ཅད་ཀྱིས།། སྒྱུ་འཕྲུལ་དྲ་བའི་གནས་ཆེན་པོ།། རྒྱ་ཆེན
353a5 གྲངས་མེད་རིགས་ཀྱི་གཙོ།། གཉིས་སུ་མེད་པའི་དོན་གྱིས་སྦྱོར།། གསུང་གཅིག་ཚུལ་གྱིས་དོན་སྩལ་ཅིང་།། ངོ་མཚར་བཤད་པའི་གནས་ལ་འཇུག། ཀུན་ནས་སྐུ་ཡི་དཀྱིལ་འཁོར་ཚོགས།། ཚུལ་ལྔ་རྫོགས་པས
353a6 འབྲས་བུ་ཉིད།། དེ་ཉིད་རྒྱུ་མཐུན་རྐྱེན་གྱི་བཞི།། དོན་ཀུན་གསལ་བ་རྣམ་དག་པས།། ངོ་མཚར་ཡུལ་འདི་རྨད་དུ་བྱུང་།། ཆོས་སྐུ་ལོངས་སྤྱོད་རྫོགས་པའི་སྐུ།། སྤྲུལ་པ་རང་བཞིན་འོད་གསལ་སྐུ།། ངོ་བོ་ཉིད་མཆོག
iiif viewer powered by OpenSeadragon
