| e-texts navigator |
| Wylie |
350b1 རྫོགས་ཤིང་།། བྱང་ཆུབ་མཆོག་གི་སྙིང་པོ་བཞི།། སྲིད་དངོས་ཞི་བར་རྣམ་པར་སྦྱོང་།། གསང་བའི་ཐེག་པ་བླ་མེད་མཆོག། རྣམ་གསུམ་སྤྲུལ་པ་བསྐྱེད་པར་མཛོད།། སངས་རྒྱས་ཀུན་གྱི་ཡེ་ཤེས་སྐུ།། བྱིན་རླབས་དག
350b2 པའི་མདངས་བཅས་པ།། ཤེས་རབ་དབྱིངས་དང་སྦྱོར་མཛད་ཅིང་།། དཀྱིལ་འཁོར་རོལ་པས་ཀུན་ཁྱབ་མཛད།། རྒྱུད་ཆེན་གསང་བའི་དོན་རྣམས་ཀུན།། སྦས་བཤད་བརྡ་ཡིས་རྣམ་པར་འབྱེད།། དེ་ཚེ་གསུང
350b3 དབྱངས་སྣ་ཚོགས་པས།། མི་གཉིས་རྒྱུད་ཆེན་མཚན་མ་སྒྲོགས།། ཇི་སྲིད་སྦས་ཚིག་བརྡ་དོན་རྣམས།། ཐབས་དང་ཤེས་རབ་སྙོམས་འཇུག་པས།། ཨེ་མ་དབྱིངས་ཀྱི་ལས་ཅན་ཏེ།། མ་འདྲེས་ཐམས་ཅད་རྫོགས་བྱེད
350b4 པའི།། འདི་ཞེས་ཉེ་བར་མཚོན་པ་ནི།། ཨེ་སོགས་རྣམ་བཞིའི་དབྱིབས་ཅན་གནས།། སྐད་ཅེས་གསལ་བྱེད་ལས་མིང་ཅན།། བམ་དབྱིབས་ཐིག་ལེར་བཅས་སྟོན་པའོ།། མཱནྨ་མ་ནུ་སྡོམ་བྱེད་ཡིད།། ལས་ཅན་རྣམ
350b5 ཤེས་དེ་དག་ལ།། གསལ་བར་གོ་བོར་བཤད་པར་འདོད།། པ་སྒྲ་དོན་དམ་ངེས་པའི་རྒྱུད།། ཡཱ་ན་ཐེག་ཆེན་འདི་ཉིད་དོ།། དུས་ནི་བསམ་གྱིས་མི་ཁྱབ་པར།། དེ་མིན་ཀུན་ཏུ་མཚོན་པར་བྱེད།། ཐམས་ཅད་རང་གི
350b6 ལས་ཅན་ཉིད།། དཀྱིལ་འཁོར་གསང་བ་མཐའ་ཡས་ཤིང་།། མ་ལུས་ཐེག་པ་བླ་ན་མེད།། དོན་དམ་རྫོགས་པའི་ཐིག་ལེ་ཉིད།། ཡེ་ཤེས་ཆེན་པོས་བསྐྱོད་མཛད་ཅིང་།། ལས་ཀྱི་རྟོག་པ་རྣམ་པར་དག། བཅུད
iiif viewer powered by OpenSeadragon
