| e-texts navigator |
| Wylie |
350a1 སེལ།། ཡང་དག་ལྟ་ལ་རྣམ་པར་དགོད།། གཞན་ཡང་ཞི་དང་རྒྱས་པ་དང་།། དབང་དང་དྲག་པོ་སྣ་ཚོགས་ཀྱིས།། རིགས་མཆོག་ཐུགས་རྗེ་ཚད་མེད་པས།། མི་མཐུན་གནས་ཀུན་རྣམ་པར་དག། འགྲོ
350a2 བ་དྲུག་པོ་མ་ལུས་པ།། ཐུབ་པ་ཆེན་པོའི་སྦྲུལ་སྐུ་ཡིས།། ཐུན་མོང་ཁྱད་པར་གནས་སྦྱངས་ཏེ།། འདུལ་བ་རྣམ་པ་བཞི་རྣམས་དང་།། བྱང་ཆུབ་སྤྱོད་པ་མཐའ་ཡས་སོགས།། མ་ལུས་དོན་ཀུན་བསྟན་པའི་སྒོ།། དེ་ནས
350a3 ཆོས་ཀུན་རྣམ་པར་དག། བྱ་བ་ཆེན་པོ་མཐར་ཕྱིན་ཅིང་།། གཞན་གྱིས་འཇུག་པ་རབ་ཏུ་སྟོན།། འདི་ལྟར་འཁོར་བ་མྱ་ངན་འདས།། ཐམས་ཅད་དོན་ཀུན་སངས་རྒྱས་མཆོག། རང་བཞིན་རྫོགས་པའི་དཀྱིལ་འཁོར
350a4 ཉིད།། བྱ་བ་ལྷུན་གྲུབ་རྣམ་པར་གྲོལ།། ཞེས་གསུངས་སོ།། རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བའི་སྙིང་པོ་དེ་ཁོ་ན་ཉིད་ངེས་པ་རོལ་པ་ཆེན་པོའི་རྒྱུད་ལས། དཀྱིལ་འཁོར་འབྲེལ་བའི་ལེའུ་སྟེ་གཉིས
350a5 པའོ།། །། དེ་ནས་འཁོར་གྱི་གཙོ་བོ་མཆོག། བྱང་ཆུབ་སེམས་དཔའ་ཆེ་རྣམས་ཀྱིས།། གསང་རྒྱས་ཀུན་ལ་ཕྱག་འཚལ་ཞིང་།། ཡང་དག་སྟོན་པ་མཉེས་པར་མཛད།། ཨེ་མ་ཧོ་སངས་རྒྱས་ཀུན་ཏུ
350a6 བཟང་།། གསང་བའི་སྙིང་པོ་ངེས་པའི་མཆོག། དེ་ཉིད་ཁོ་ནའི་དོན་རྫོགས་པ།། སྒྱུ་འཕྲུལ་དྲ་བའི་ཚུལ་བསྟན་པ།། ཐོག་མ་ཐ་མ་མེད་པའི་དངོས།། མ་ལུས་ཀུན་གྱི་སྐུ་གསུང་ཐུགས།། རོལ་མོ་བདེ་བའི་གནས
iiif viewer powered by OpenSeadragon
