| e-texts navigator |
| Wylie |
349a1 གྲོལ་མཛད་དེ།། བསྟན་པའི་བྱེ་བྲག་བསམ་ཡས་པས།། གདུལ་དཀའི་ཚོགས་རྣམས་གྲོལ་བར་འགྱུར།། གདུལ་དཀའ་ཀུན་ནི་རྨོངས་པ་དང་།། བསྟན་པའི་སྒྲོན་མ་གསལ་མཛད་ཅིང་།། སྟོང་གསུམ
349a2 འཇིག་རྟེན་མཐའ་ཡས་པ།། རིགས་བདག་འཁོར་ལོ་སྒྱུར་བའི་སྐུ།། ཀུན་ཏུ་བཟང་པོའི་བདག་ཉིད་ཀྱིས།། རིགས་ཀྱི་དཀྱིལ་འཁོར་མཐའ་ཡས་རྣམས།། རྣམ་པར་འཕྲུལ་བས་ཀུན་སྤྲོ་མཛད།། ཞེ་སྡང་ལས་ཀྱིས
349a3 གདུངས་པ་ལ།། རྡོ་རྗེའི་རིགས་མཆོག་མི་བསྐྱོད་པ།། ཞེ་སྡང་ཆེན་པོས་འཇོམས་མཛད་ཅིང་།། ཞེ་སྡང་རྒྱུད་ཀུན་གྲོལ་བར་མཛད།། དེ་ལྟར་བཅོམ་ལྡན་ཐུགས་རྗེ་མཆོག། དོན་ཀུན་བསྟན་པས་རྣམ་པར་འདུལ།། མ
349a4 རིག་རྣམ་རྟོག་མུན་པའི་ཚོགས།། བདེ་གཤེགས་འཁོར་ལོ་ཆེ་ནས་སྦྱོར།། གཏི་མུག་ཆེན་པོས་དག་མཛད་དེ།། གཏི་མུག་ལམ་བཅས་རྣམ་པར་གྲོལ།། ཀུན་ནས་འདོད་པས་གདུངས་པ་ལ།། བདེ་གཤེགས་པདྨ་གསུང
349a5 གི་སྐུ།། འདོད་ཆགས་ཆེན་པོས་འདུལ་མཛད་ཅིང་།། ཡང་དག་མཐར་བཅས་སྦྱོར་བ་མཛད།། ང་རྒྱལ་གནས་ཀུན་སྟོབས་རྫོགས་ལ།། རིན་ཆེན་དཀྱིལ་འཁོར་ཆེ་ནས་སྦྱོར།། ང་རྒྱལ་ཆེན་པོའི་ཡོན་ཏན་མཆོག། དེར
349a6 བཅས་མཐའ་རྣམས་རྣམ་པར་དག། ཕྲག་དོག་ཉིད་ཀྱིས་འཁོར་བ་ལ།། དེ་ཉིད་རྣམ་དག་ཐུགས་རྗེའི་མཆོག། ལས་ཀྱི་རིགས་མཆོག་དོན་ཡོད་གྲུབ།། མཐའ་ཡས་ཡུལ་ཀུན་རྣམ་པར་དག། དེ་ལ་སོགས་པའི་ཉོན
iiif viewer powered by OpenSeadragon
