| e-texts navigator |
| Wylie |
348b1 ན་མེད།། འབྲས་བུའི་ཆོས་ཀུན་རྣམ་དག་ཅིང་།། མ་ལུས་དོན་ཀུན་བསྡུས་པ་ཉིད།། གསང་བ་བླ་ན་མེད་པའི་རྒྱུད།། འབྲས་བུའི་ཐེག་པ་ཞེས་བཤད་དོ།། ས་མཆོག་ལམ་རྣམས་ཀུན་འདུས་པའི།། ངེས་པའི་ཕྱག་རྒྱ
348b2 བླ་ན་མེད།། རྒྱུ་ཡི་དེ་ཉིད་བྱང་ཆུབ་སེམས།། རྣམ་གཉིས་འབྲེལ་བས་ཀུན་བསྐྱེད་རྫོགས།། འབྲས་བུ་སྐུ་མཆོག་ཡེ་ཤེས་ཆེ།། རང་བཞིན་བྱིན་བརླབས་ཤུགས་ཀྱིས་སྣང་།། ཆོས་རྣམས་ཐམས་ཅད་སྐད་ཅིག་མར།། དེ
348b3 ཉིད་ངེས་པར་གཏན་ལ་འབབས།། བྱ་བ་རྫོགས་པའི་དུས་ཉིད་དུ།། ཡ་མཚན་ཕོ་བྲང་དཀྱིལ་འཁོར་རྫོགས།། ངེས་དོན་གསང་བ་རྨད་དུ་བྱུང་།། སངས་རྒྱས་ཀུན་གྱི་དགོངས་པའི་ཡུལ།། བྱིན་རླབས་ཆོས་རྣམས་ཀུན
348b4 གྱི་གཞི།། འདི་ཉིད་བསྟན་པས་རྟོགས་པར་འགྱུར།། ཨེ་མ་ཧོ་བདེ་གཤེགས་ངོ་བོ་ཉིད།། རང་བཞིན་རྫོགས་པའི་དཀྱིལ་འཁོར་ལས།། ཁམས་གསུམ་འགྲོ་གནས་མ་རྟོགས་པའི།། གནས་དང་སྡེ་བཅས་ཐམས་ཅད
348b5 ཀུན།། བརྟགས་པའི་མཐུ་ཡིས་ཀུན་སྣང་ཞིང་།། དེ་ཉིད་སྟོབས་ཀྱིས་དེ་ནས་འཁོར།། སྣ་ཚོགས་ལུས་དང་ལོངས་སྤྱོད་ཚོགས།། མི་མཐུན་སྐལ་པའི་ཚོགས་རྣམས་ཀྱིས།། རྒྱུ་འབྲས་གནས་ཀུན་སོ་སོར་སྨིན།། གཉིས
348b6 སུ་འཛིན་པས་འཆིང་འགྱུར་ལ།། རང་གིས་རང་རྒྱུད་རྣམ་པར་བཅིངས།། དེ་དག་རྟོག་པའི་ནད་ཆེན་གྱིས།། ཐམས་ཅད་ཀུན་ནས་རྣམ་པར་གཟིར།། ཡང་དག་བསྟན་པའི་དོན་རྣམས་ཀྱིས།། ཐབས་ལྡན་རྒྱུད་རྣམས
iiif viewer powered by OpenSeadragon
