| e-texts navigator |
| Wylie |
347a1 བཞིན་གཤེགས་པ་ཐམས་ཅད་ཀྱིས། རང་གི་བཙུན་མོ་དང་མཉམ་པར་སྦྱོར་ཞིང་། རིགས་ཀྱི་དཀྱིལ་འཁོར་མངོན་པར་རྫོགས་པ་ཞེས་བྱ་བའི་ཚུལ་གྱིས། ཀུན་ལ་གསལ་བར་མཛད་ནས། སངས་རྒྱས
347a2 སུམ་ཅུ་རྩ་དྲུག་གི་བྱིན་རླབས་ཀྱིས། རང་གི་གནས་ཐམས་ཅད་དུ་གསལ་བར་མཛད་དོ།། ནང་གི་འགྲོ་བ་མ་ལུས་ཀུན།། རིགས་ཀྱི་དཀྱིལ་འཁོར་རྫོགས་པ་ཉིད།། གཟུགས་ཕུང་རྣམ་པར་སྣང་མཛད་དེ།། ཚོར་བ
347a3 རིན་ཆེན་འབྱུང་ལྡན་ཡིན།། འདུ་ཤེས་སྣང་བ་མཐའ་ཡས་ཉིད།། འདུ་བྱེད་དོན་ཡོད་གྲུབ་པའི་སྐུ།། རྣམ་ཤེས་རྡོ་རྗེ་མི་བསྐྱོད་པ།། ཡེ་ཤེས་རྣམ་པ་ལྔ་བདག་ཉིད།། བྱང་ཆུབ་སེམས་ཀྱི་སྣང་བ་ལས།། རང་བཞིན
347a4 རྫོགས་པས་གནས་ཀུན་སྦྱོར།། ཕྱི་རོལ་འབྱུང་སོགས་ཡུལ་རྣམས་ཀུན།། ཐབས་དང་ཤེས་རབ་གཉིས་མེད་པའི།། སྲ་བརྟན་རྡོ་རྗེ་སྤྱན་མ་སྟེ།། གཤེར་སྡུད་ལྷ་མོ་མཱ་མ་ཀཱི།། སྨིན་བྱེད་སྲེག་མཛད་གོས་དཀར
347a5 མོ།། ཡང་ཞིང་གཡོ་བ་སྒྲོལ་མའི་མཁའ།། སྟོང་གསལ་ནམ་མཁའི་ཀུན་བཟང་མོ།། རགས་པ་ཐབས་ཀྱི་ཕྱག་རྒྱ་སྟེ།། མཚན་ཉིད་མེད་པ་ཤེས་རབ་ཡུམ།། གཉིས་མེད་སྦྱོར་བའི་བྱིན་རླབས་ལས།། རིགས་ཀྱི་དཀྱིལ
347a6 འཁོར་རྒྱ་ཆེན་པོ།། ཁམས་དང་སྐྱེ་མཆེད་རྣམ་དག་པའི།། བྱང་ཆུབ་སེམས་དཔའ་གནས་ཀུན་མཛེས།། རང་བཞིན་མ་བཅོས་ལྷུན་གྱིས་གྲུབ།། སྟོང་གསུམ་འཇིག་རྟེན་གྲངས་མེད་པའི།། རིགས་ཀྱི་དཀྱིལ་འཁོར
iiif viewer powered by OpenSeadragon
