| e-texts navigator |
| Wylie |
346b1 མཛད་ཅིང་།། ཐེག་པའི་དོན་འདི་བཀའ་སྩལ་ཏེ།། ཨེ་མ་ཧོ་ཐམས་ཅད་རྫོགས་པ་ཡི།། བྱང་ཆུབ་སེམས་ཉིད་དཀྱིལ་འཁོར་ཆེ།། བྱིན་རླབས་ཡུལ་སོགས་འབྱུང་བའི་གནས།། རིག་པའི་ཡེ་ཤེས་བརྟན་པ
346b2 ཉིད།། ཕྱོགས་དང་ཕྱོགས་ཆོས་ལས་འདས་པའི།། ཐ་དད་མིན་པའི་ཡུལ་ཀུན་འདས།། དུས་གསུམ་ཀུན་གྱིས་མི་འགྱུར་ཞིང་།། དེ་དག་སྐད་ཅིག་ཅིར་མི་སྣང་།། དེ་ལ་འབྱུང་སོགས་རྣམ་དག་ཅིང་།། སྐྱེ་འགྲོ་ཐ་དད
346b3 དེ་ཉིད་དབྱིངས།། ཡོད་མེད་མཐའ་བཞི་ལས་འདས་པའི།། རྒྱུ་རྐྱེན་གནས་སྐབས་མ་སྐྱེས་པས།། འཇིག་ཅིང་འགག་པའི་དངོས་དང་བྲལ།། ཕྱོགས་བཅུ་མཐའ་རྣམས་ཞི་བ་ཉིད།། ཡེ་ནས་མ་བཅོས་དབེན་པར
346b4 གནས།། རིགས་ཀྱི་རྒྱལ་པོ་ཐམས་ཅད་དང་།། སྙིང་པོའི་ངང་དུ་འབྲལ་བ་མེད།། དེ་ལས་དེ་བྱུང་དེ་སྣང་བའི།། ཐབས་དང་ཤེས་རབ་ཕྱག་རྒྱའི་མཆོག། སྲིད་པ་གསུམ་ནི་དག་པའི་ཞིང་།། སྙིགས་མ་ལྔ་ཉིད་བདེ་ལྡན
346b5 གནས།། ཕུང་པོ་ལྔ་ཉིད་རིགས་ལྔའི་གཙོ།། འབྱུང་བའི་ཆོས་རྣམས་རྣམ་པར་དག། ཡུལ་ཀུན་མཉམ་པར་སྦྱོར་བའི་མཐུས།། མ་འདྲེས་དཀྱིལ་འཁོར་མངོན་སངས་རྒྱས།། ཐབས་ཀྱི་ཕྱག་རྒྱ་རྫོགས་པས་ན།། ཐམས
346b6 ཅད་དཀྱིལ་འཁོར་རྫོགས་པ་ཉིད།། ཅེས་རྒྱ་ཆེར་གསུངས་སོ།། དེའི་ཚེ་ན་ཞིང་ཁམས་ཆེན་པོ་མངོན་པར་འཕགས་པའི་སངས་རྒྱས་ཐམས་ཅད་དང་སྒྱུ་འཕྲུལ་དྲ་བའི་ཚུལ་གྱིས་ཡང་དག་པར་གནས་སོ།། དེ་ནས་དེ
iiif viewer powered by OpenSeadragon
