| e-texts navigator |
| Wylie |
345b1 དག། གྲངས་མེད་དབྱེ་བས་དོན་བཞིན་སྤྱོད།། དེ་ལ་སོགས་པ་མཐའ་ཡས་པའི།། ཕྲིན་ལས་ཀུན་ཏུ་མ་འགགས་ཆོས།། ཐབས་མཁས་སངས་རྒྱས་མཛད་པའི་གནས།། དོན་མཐུན་རྣལ་འབྱོར་སྤྱོད་པའི
345b2 ཡུལ།། བདག་གཞན་ལས་ཀུན་རབ་ཏུ་རྫོགས།། མཉམ་པ་ཆེན་པོའི་ཕྲིན་ལས་སོགས།། དེ་དག་བསྟན་པ་བླ་མེད་པའི།། ཚུལ་འདིས་རྒྱུད་ཆེན་ཟབ་མོ་ཉིད།། ཉེ་བར་སྤྱོད་པ་ཇི་ལྟ་བུ།། དེ་དག་ཡུལ་དང་སྦྱར་བྱ
345b3 བ།། བྱེ་བྲག་ཆ་ཤས་རྫོགས་པ་ཡི།། དོན་ཀུན་སྟོན་པས་བཤད་དུ་གསོལ།། དེ་དག་ཐེ་ཚོམ་རྟོགས་པའི་ཚོགས།། ངེས་པར་མགོན་པོས་བསལ་བར་མཛོད།། བྱིན་རླབས་བླ་ན་མེད་པའི་ལམ།། འདི་ན་འཇུག་པའི
345b4 ཡན་ལག་དག། མཚན་བཅས་མཚན་མ་མེད་པའི་ཆོས།། ཡང་དག་རྒྱ་ཆེན་རྫོགས་པར་སྟོན།། རྣལ་འབྱོར་ཆེན་པོའི་སྤྱོད་པ་དང་།། ས་གནས་ལམ་གྱི་བྱེ་བྲག་དང་།། བསྟན་པའི་བསྡུ་དོན་ཇི་ལྟ་བུར།། ཡང་དག
345b5 བཀའ་སྩོལ་ཐུགས་རྗེ་ཅན།། ཀྱེ་མ་ཧོ།། ཐབས་དང་ཤེས་རབ་ཡང་དག་སྦྱར་བའི་མཐུས།། ཕྱི་ནང་དཀྱིལ་འཁོར་ཡང་དག་ཚུལ་ཆེན་པོ།། རིགས་དང་རིགས་ཅན་རྣམ་པར་སྦྱོར་མཛད་ཅིང་།། དོན་ཀུན་གསང་བ
345b6 རྫོགས་པའི་གནས་ཉིད་ཡིན།། རབ་ཏུ་སྦྱངས་པ་རྣམས་ཀྱི་ངེས་དོན་འདི།། ཡང་དག་འབྲས་བུའི་ཚུལ་གྱི་རྒྱུར་བཅས་སྦྱོར།། མཐའ་ཡས་ཞིང་ཁམས་ཡེ་ཤེས་ཆེན་པོའི་གནས།། ཀུན་ཏུ་བཟང་པོའི་དཀྱིལ་འཁོར་རྣམ
iiif viewer powered by OpenSeadragon
