| e-texts navigator |
| Wylie |
344b1 པར་བསྔགས།། སངས་རྒྱས་ཐེག་པ་བསམ་ཡས་པ།། དེ་དག་ཚུལ་རྣམས་མཐའ་ཡས་པ།། སྐུ་གསུང་ཡོན་ཏན་ཕྲིན་ལས་ཐུགས།། མ་ལུས་ཀུན་འདུས་རྣམ་པར་དག། ཐབས་ལྡན་རྫོགས་པའི་ཡན་ལག་ཏུ།། སྨིན
344b2 པའི་ལམ་མཆོག་བླ་ན་མེད།། བྱང་ཆུབ་མཆོག་ཏུ་སེམས་བསྐྱེད་ཅིང་།། རང་གི་དམ་བཅས་སྡོམ་པ་རྫོགས།། ཡུལ་མཆོག་ཁྱད་པར་འཕགས་པ་ལ།། བྱིན་རླབས་སྔགས་ཀྱིས་ནོར་བུ་བླངས།། ཕན་དང་ནུས་པའི
344b3 དབང་ཐོབ་ཅིང་།། རིམ་བཞིན་དམ་ཚིག་བརྟན་པར་གནས།། དེ་དག་ཁྱད་པར་བྱེ་བྲག་གིས།། དོན་ཀུན་གསང་བ་མངོན་གྱུར་པ།། ཐུན་མོང་སྡོམ་པ་ཐམས་ཅད་དང་།། གསང་བའི་དམ་ཚིག་བླ་ན་མེད།། ལྔ་གསུམ
344b4 ཉི་ཤུ་རྩ་ལྔ་དང་།། སུམ་བརྒྱ་ལ་སོགས་བྱེ་བྲག་གིས།། ཐབས་ཀྱི་ཐེག་པ་རྣམ་པར་འཕགས།། དེ་དག་གསང་བ་ཆེན་པོའི་ཆོས།། ཁྱད་པར་དམ་ཚིག་རྣམ་པ་བཞིས།། ཐམས་ཅད་གཉིས་མེད་མཉམ་པ་ཉིད།། མ་ལུས
344b5 ཡུལ་ཀུན་རྣམ་དག་ཅིང་།། ངེས་པའི་དོན་རྫོགས་ཟབ་མོ་ཉིད།། གྲོགས་བརྟེན་མི་མཐུན་ཕྱོགས་བཅས་པའི།། ཁྱད་པར་ཡུལ་ཀུན་ཇི་ལྟ་བུས།། རང་རིག་གནས་རྣམས་འགྲོ་བར་བྱེད།། ཐུན་མོང་ལ་སོགས
344b6 རྣམས་སྤྱད་པ།། མ་ལུས་རྟེན་ཅིང་འབྲེལ་བའི་ཆོས།། ཐམས་ཅད་ཚུལ་འདིས་རྫོགས་བྱེད་ཅིང་།། སྐད་ཅིག་ཡུད་ལ་ལྷུན་གྱིས་འགྲུབ།། དགུག་དང་གཏང་དང་བཅིང་དང་དགྲོལ།། གསོད་དང་གསད་དང་འཕམ་དང
iiif viewer powered by OpenSeadragon
