| e-texts navigator |
| Wylie |
344a1 ཕྲིན་ལས་ཇི་ལྟ་བུས།། ཡང་དག་བྱ་བ་རྫོགས་པར་འགྱུར།། གཟུགས་བརྙན་དཀྱིལ་འཁོར་རྒྱ་ཆེན་པོས།། ས་གཞི་མཉམ་ལ་གནས་རྫོགས་པ།། ཕྱོགས་མཚམས་ཀུན་ཏུ་ཤིས་པའི་ལས།། མངོན་པར
344a2 བསྔགས་པ་ཇི་ལྟ་བུར།། ཡང་དག་དཀྱིལ་འཁོར་ཐིག་གདབ་ཅིང་།། ཡང་དག་ཚོན་གྱི་ལས་རྣམས་དང་།། ཕྱག་རྒྱའི་བྱེ་བྲག་ཀུན་རྫོགས་པའི།། རྒྱན་ཆས་བཀོད་པ་བླ་ན་མེད།། དངོས་གྲུབ་ཕྲིན་ལས་ལྷག་གནས
344a3 ཤིང་།། དཀྱིལ་འཁོར་སྒྲུབ་པའི་ཚུལ་དག་གིས།། ལས་ཀྱི་ལྷག་ཆད་རྫོགས་བྱེད་ཅིང་།། མཉེས་ཤིང་ཤིས་པས་འདོད་པའི་དོན།། ཡེ་ཤེས་དཀྱིལ་འཁོར་ཇི་ལྟ་བར།། དམ་ཚིག་དཀྱིལ་འཁོར་ཆེན་པོར་སྦྱོར།། ལྷག
344a4 གནས་སྟ་གོན་བུམ་པ་དང་།། དཀྱིལ་འཁོར་ཆེན་པོའི་གནས་རྣམས་རྫོགས།། དེ་དག་བཀྲ་ཤིས་ཆོ་ག་བཟང་།། ཉེ་བར་བསྙེན་པས་གསལ་བར་འགྱུར།། འཇུག་པའི་ཆོ་ག་ཚུལ་བཞིན་དུ།། རྣམ་གསུམ་ནུས་པ་མཐུ
344a5 དང་ལྡན།། བདེ་གཤེགས་བརྒྱུད་པའི་བྱིན་རླབས་ལམ།། དད་བརྩོན་ཤེས་རབ་ཏིང་འཛིན་སྟོབས།། སྦྱིན་བསྲེགས་གསང་བའི་ལས་རྫོགས་ཤིང་།། འདོད་པའི་ལས་ཀུན་ཉེ་བར་སྦྱོར།། མཆོད་སྦྱིན་རྒྱ་ཆེན་གཏོར
344a6 མའི་ཚོགས།། དེ་དག་ཡུལ་ཀུན་རྣམ་དག་འགྱུར།། སྒྱུ་འཕྲུལ་རྒྱས་པའི་ཚུལ་གྱིས་ནི།། ལམ་ལྔ་དང་ནི་ཉི་ཤུ་རྩ་ལྔ་དང་།། སུམ་ཅུ་རྩ་ལྔ་ལྔ་བཅུ་རྫོགས།། བྱེ་བྲག་དཀྱིལ་འཁོར་རྒྱས་པ་ནི།། ཆོ་ག་ཀུན་རྫོགས་མངོན
iiif viewer powered by OpenSeadragon
