| e-texts navigator |
| Wylie |
343b1 ཚོགས་འགྲོ་བར་བཅས།། སངས་རྒྱས་ཀུན་གྱི་རང་བཞིན་ཏེ།། དཀྱིལ་འཁོར་རྫོགས་པའི་རིགས་མཆོག་ཉིད།། ཤེས་རབ་ཆེན་པོས་ཡུལ་མཐར་ཕྱིན།། ཆ་ཤས་ཆ་ཤས་མེད་པ་ཡི།། བྱང་ཆུབ་སེམས་གནས་དྲུག་པའི
343b2 གཟུངས།། མ་ལུས་ཡུལ་ཀུན་སྦྱོང་མཛད་ཅིང་།། གཉིས་མེད་ཡེ་ཤེས་ཆེན་པོའི་བདག། ཆོས་ཀྱི་གནས་ཀུན་རྫོགས་ལོངས་སྤྱོད།། སྤྲུལ་པའི་སྐུ་རྫོགས་འགྲོ་བའི་མགོན།། སྒྱུ་འཕྲུལ་བསྒྲུབ་པའི་དཀྱིལ་འཁོར
343b3 དང་།། ལྷག་པའི་ཁྲོ་བོའི་དཀྱིལ་འཁོར་གྱི།། རང་བཞིན་མངོན་པར་རྫོགས་པའི་ཤུགས།། ཡེ་ཤེས་དཀྱིལ་འཁོར་ཇི་ལྟ་བུ།། རང་བཞིན་ལྷུན་གྱི་གྲུབ་པ་དང་།། རྟོགས་པས་མངོན་པར་ཡུལ་སྦྱོར་བའི།། ཐུན་མོང་ཁྱད
343b4 པར་རིགས་བཅས་རྣམས།། གདུལ་བྱ་ཀུན་གྱི་དོན་བཞིན་དུ།། བྱེ་བྲག་ཇི་ལྟར་འཚམས་པར་སྣང་།། འདིར་ནི་ལྷག་པའི་ཏིང་འཛིན་དང་།། ཏིང་འཛིན་དཀྱིལ་འཁོར་མ་བཅོས་པ།། དེ་དག་རྒྱུ་དང་འབྲས་བུ
343b5 ཡི།། ཚུལ་བཞིན་བརྟེན་པའི་རྣམ་པར་སྤྱོད།། འགྲོ་བ་འདུལ་བའི་ཏིང་འཛིན་གྱིས།། དཀྱིལ་འཁོར་ཕྱག་རྒྱ་སྔགས་རྫོགས་པའི།། ཁྲོ་བོའི་དཀྱིལ་འཁོར་མངོན་སྣང་ཞིང་།། རང་གི་ཕྲིན་ལས་བརྟན་པའི
343b6 བདག། ཚོགས་སྒྲུབ་ཏིང་འཛིན་རྒྱ་ཆེན་པོ།། བསོད་ནམས་ཡེ་ཤེས་མངོན་རྫོགས་བྱེད།། ཕྲིན་ལས་བྱེ་བྲག་སྟོབས་ཀྱི་ནི།། ཏིང་འཛིན་དཀྱིལ་འཁོར་དག་སྤྱོད་པ།། བཞི་བརྒྱ་མཉམ་པ་ཆེན་པོའི་དབྱིངས།། དེ་དག
iiif viewer powered by OpenSeadragon
