| e-texts navigator |
| Wylie |
342a1 གནས་མཛེས་པར།། ཡེ་ཤེས་འགྲོ་ནས་རྣམ་པར་དག། བྱང་ཆུབ་སེམས་ཉིད་ས་ཆེན་པོ།། ཀུན་ཁྱབ་རྡུལ་ཕྲན་ནམ་མཁའ་ཉིད།། ཐུགས་རྗེས་པདྨ་སྣ་ཚོགས་སྟོན།། ལས་ཀྱི་ཕྲིན་ལས་སྟོབས་རྫོགས
342a2 གནོན།། རྣམ་ཤེས་བཞི་ཡི་བདག་ཉིད་ཀྱིས།། དེ་དག་ཡུལ་བཅས་དག་པར་མཛད།། ཐབས་བཅས་མ་འདྲེས་བྱམས་པའི་སྟོབས།། སྒྲིབ་མེད་མུན་པའི་ཚོགས་སེལ་ཞིང་།། ཀུན་ནས་སྤྱོད་པ་བཟང་པོ་ཉིད།། ཤེས
342a3 རབ་ཆེན་པོ་མཐར་ཕྱིན་པ།། གསུང་གི་དབང་པོ་རྣམ་དག་པས།། རིགས་ཀྱི་ཡེ་ཤེས་གསལ་བར་སྦྱོར།། མ་ལུས་གཟུགས་སྒྲ་དྲི་རོའི་ཚོགས།། ལྷ་མོའི་དཀྱིལ་འཁོར་རྣམ་པར་དག། དེ་དག་ཐབས་དང་ཤེས་རབ
342a4 ཀྱིས།། ཡི་གེའི་གནས་ཀུན་མཉམ་པ་ཉིད།། ཀུན་ནས་ཀུན་ཏུ་བསམ་ཡས་པའི།། དུས་རྣམས་ལྷ་མོའི་བདག་ཉིད་དོ།། མི་མཐུན་མཚན་མའི་ཕྱོགས་འཇོམས་བྱེད།། དེར་རྫོགས་གཉེན་པོའི་སྟོབས་དང་ལྡན།། ཕྱོགས
342a5 ཀྱི་དོན་རྣམས་འཇོམས་མཛད་ཅིང་།། ཕྲིན་ལས་རིགས་ཀྱི་ཡེ་ཤེས་རྫོགས།། ལུས་ཀྱི་ཆོས་ཀུན་རྣམ་དག་པའི།། ཁྲོ་བོ་ཆེན་པོའི་མཐུ་སྟོབས་ལྡན།། རྟག་ཆད་མཚན་མའི་གཡུལ་རྣམས་འཇོམས།། ཚད་མེད་བཞི
342a6 རྫོགས་རྟོག་གནས་སེལ།། ལྕགས་ཀྱུ་ཞགས་པ་ལྕགས་སྒྲོག་དྲིལ།། ཕྱི་ནང་དཀྱིལ་འཁོར་བརྟན་མཛད་ཅིང་།། རིགས་ཀྱི་འཁོར་ལོ་ཀུན་རྫོགས་དག། སྟོང་ཁམས་ཀུན་ཏུ་མཐའ་ཡས་པར།། དེ་དག་དཀྱིལ་འཁོར
iiif viewer powered by OpenSeadragon
