| e-texts navigator |
| Wylie |
340b1 དབང་དྲག་བརྒྱན།། མཐའ་ཡས་མཛད་པ་ཀུན་སྟོན་ཅིང་།། ཐ་དད་སྤངས་པའི་ཚུལ་གྱིས་གནས།། སྒྲིབ་མེད་གསལ་བའི་བདག་ཉིད་ཅན།། བསམ་འདས་རྒྱ་ཆེན་གྲངས་མང་ཀུན།། སྟོང་སྨོན་མཚན་མེད་འོད་གསལ
340b2 སྒོ།། སངས་རྒྱས་ཐེག་པས་རྣམ་པར་སྤྲས།། ཕྱི་ནང་གསང་བ་ཟབ་མོ་ཡི།། རྣམ་ཐར་བརྒྱད་ཀྱི་རྟ་བབས་ལྡན།། ཕྱི་དང་ནང་མེད་ཡེ་ཤེས་དངོས།། མཐའ་དབུས་མེད་པའི་བདེ་ཆེན་དབྱིངས།། རྒྱུ་རྐྱེན་ལམ་དང་ཐབས
340b3 ཀྱི་ཆོས།། དེ་དག་འབྲས་བུའི་བདག་ཉིད་ཅན།། མི་འཇིགས་རྣམས་དང་སྟོབས་བཅུ་དང་།། རྫུ་འཕྲུལ་རྐང་པ་དབང་བཅུ་ཡིས།། ཐོགས་མེད་གངས་ཆེན་མཚོ་ལྔའི་བདག། མཚན་མ་རྟགས་ཀྱི་གནས་རྫོགས
340b4 ཤིང་།། ཐུགས་རྗེ་བྱང་ཆུབ་སེམས་ཉིད་ལྡན།། ཀུན་ནས་མ་ཆགས་རྣམ་པར་དག། ཀུན་འབྱུང་རིན་ཆེན་བརྩེགས་པའི་ཁྲི།། ཀུན་ཏུ་སྒྲིབ་པ་མེད་པའི་མཆོག། ཐམས་ཅད་རང་གི་དཀྱིལ་འཁོར་ཉིད།། དེ་དག་ཉི་ཤུ་རྩ
340b5 ལྔས་བརྒྱན།། རྣམ་པར་བཀོད་པའི་སྒྲ་ཆེན་པོ།། ཐམས་ཅད་གསལ་བའི་བྱེད་པ་མཆོག། ཐམས་ཅད་མ་འགགས་ཐེག་པའི་ཚུལ།། ཟབ་མོ་རྒྱ་ཆེན་གསང་བའི་སྔགས།། དོན་ཀུན་ངེས་པར་གཅོད་བྱེད་པའི།། རང་གི
340b6 ཡེ་ཤེས་འགྱུར་བ་མེད།། མཚན་མཆོག་སུམ་ཅུ་རྩ་གཉིས་དང་།། དཔེ་བྱད་བརྒྱད་ཅུའི་བདག་ཉིད་ཅན།། དུས་གསུམ་སངས་རྒྱས་ཐམས་ཅད་ཀྱི།། ཕྲིན་ལས་འཇིགས་བྱེད་སྙེམས་དང་བྲལ།། ཆོས་སྐུ་སྤྱི་ཡི་བདག
iiif viewer powered by OpenSeadragon
