| e-texts navigator |
| Wylie |
339b1 པའོ།། །། སྒྱུ་འཕྲུལ་དྲ་བ་ལེའུ་སྟོང་ཕྲག་བརྒྱ་པ་ལས་མཚན་ཉིད་དང་ལུང་གི་སྤྱི་གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྒྱུ་འཕྲུལ་ལེ་ལྷག་བསྟན་པའོ།། །
339b2 རྒྱ་གར་སྐད་དུ། བཛྲ་ས་ཏྭ་མཱ་ཡཱ་ཛྭ་ལ་གུ་ཧྱ་གརྦྷ་ཏ་ཏྭ་དེ་ཤ་མ་ཧཱ་ལ་ཌི་ཏ་ཏནྟྲ་ན་མ། བོད་སྐད་དུ། རྡོ་རྗེ་སེམས་དཔའ་སྒྱུ་འཕྲུལ་དྲ་བ་ལས། གསང་བའི་སྙིང་པོ་དེ་ཁོ་ན་བསྟན་པ་རོལ་པ་ཆེན་པོའི་རྒྱུད་ཅེས
339b3 བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། དེ་ནས་དེ་བཞིན་གཤེགས་རྣམས་ཀྱི།། བདག་ཉིད་ཀུན་ཏུ་བཟང་པོའི་གཙོ།། སངས་རྒྱས་ཀུན་གྱིས་དབང་བསྐུར་ཞིང་།། ཐམས་ཅད་འདུས
339b4 པའི་བདག་ཉིད་མཆོག། རང་གི་དཀྱིལ་འཁོར་རྒྱ་ཆེན་པོས།། ཕྱོགས་བཅུའི་སྟོང་གསུམ་ཀུན་གསལ་མཛད།། རིགས་ཀྱི་ཕྲིན་ལས་སྣ་ཚོགས་པའི།། ཀུན་དོན་དཀྱིལ་འཁོར་ཆེན་པོ་ཉིད།། རང་བཞིན་སྤྲུལ་པ་བདག
339b5 ཉིད་ཀྱིས།། འཁོར་ལོ་གསང་བའི་གནས་ཆེན་བཞུགས།། ཐབས་དང་ཤེས་རབ་རོལ་པའི་དབྱིངས།། མ་ལུས་ཀུན་འདུས་འབྲས་བུའི་མཆོག། ཀུན་ནས་སྤྲུལ་པའི་དཀྱིལ་འཁོར་དང་།། གསང་སྔགས་ཟབ་མོའི་ཐེག
339b6 པ་ཀུན།། ཡེ་ཤེས་གསལ་བའི་བདག་ཉིད་ཅན།། ཡོན་ཏན་ཀུན་རྫོགས་ཕྲིན་ལས་མཛད།། འདི་དག་དཀྱིལ་འཁོར་སྣ་ཚོགས་པའི།། རོལ་པ་ཀུན་འཇུག་རྒྱུ་ཡི་གནས།། ཐ་དད་མིན་ལ་ཐ་དད་སྣང་།། དཀྱིལ་འཁོར
iiif viewer powered by OpenSeadragon
