| e-texts navigator |
| Wylie |
339a1 མེད་པའི་ས།། སངས་རྒྱས་ཡོན་ཏན་རིན་པོ་ཆེ།། བཀོད་པའི་གཞལ་ཡས་ཐམས་ཅད་ལ།། དབང་བསྒྱུར་སྤྱོད་པའི་དངོས་གྲུབ་ཐོབ།། རྣལ་འབྱོར་གང་ཞིག་འདི་འདྲའི་དོན།། ལྗགས་ཀྱི་དབང་པོ
339a2 བཀྲམ་ནས་ནི།། གསང་དོན་ངེས་པའི་དོན་སྟོན་པ།། བླ་མེད་མཆོག་ཏུ་འགྲུབ་པར་ཤོག། བླ་མེད་བྱང་ཆུབ་ཐོར་ཚུགས་ཅན།། ཤིན་ཏུ་བསྟན་པའི་རི་བོ་གནས།། མུ་སྟེགས་རླུང་གིས་ཚུགས་མི་འགྱུར།། ཐེག་མཆོག་རྡོ
339a3 རྗེ་དེ་ལྟ་བུ།། དཀྱིལ་འཁོར་མི་ཟད་འབྱུང་བའི་གཏེར།། ཡིད་བཞིན་ནོར་བུ་རིན་པོ་ཆེ།། བྱི་དོར་བྱས་ཤིང་ཤིན་ཏུ་གསལ།། བསྐལ་པ་གྲངས་མེད་གནས་གྱུར་ཀྱང་།། སྐུ་ནི་ཤིན་ཏུ་གཞོན་པའི་ཚུལ།། སྐྱེ་ཤི་མེད་པ་རྡོ
339a4 རྗེ་ཡི།། ཐམས་ཅད་འབྱུང་བའི་གཏེར་ཡིན་ཏེ།། ཡོན་ཏན་ཕུན་སུམ་ཚོགས་དང་ལྡན།། བླ་མེད་བྱང་ཆུབ་འགྲུབ་འགྱུར་ནས།། ཡེ་ཤེས་རྡོ་རྗེ་འགྲུབ་པར་ཤོག། ཚོགས་ཆེན་གཉིས་ཀྱང་རྫོགས་གྱུར་ཅིག། ཐམས་ཅད
339a5 ཀུན་གྱི་སྟོན་པ་པོ།། ཐམས་ཅད་མཁྱེན་པའི་གོ་འཕང་བརྙེས།། སངས་རྒྱས་ཞིང་ལ་དབང་བྱེད་ཤོག། དེ་རྟོགས་ཀུན་ཀྱང་རྡོ་རྗེའི་རིགས།། སྐུ་གསུང་ཐུགས་ཀྱང་འགྲུབ་པར་ཤོག། རྣལ་འབྱོར་ཐབས་དང་ཤེས་རབ
339a6 ཏུ།། ལྡན་པ་རྣམས་ཀྱིས་དུས་ཐམས་ཅད།། འདོད་པའི་ཡོན་ཏན་ལྔ་སྤྱད་ཅིང་།། གླུ་དང་གར་དང་བྲོ་ཐབས་བྱའོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས། བྲོ་གར་རྩེད་འཇོའི་ལེའུ་སྟེ་སོ་གསུམ
iiif viewer powered by OpenSeadragon
