| e-texts navigator |
| Wylie |
336a1 བསྒོམ།། ཏིང་འཛིན་ཤིན་ཏུ་གསལ་བསྒོམས་ནས།། བདག་དང་ཕྱོགས་བཅུ་དབྱེར་མེད་པར།། གཉིས་སུ་མེད་པར་བསྒོམ་པར་བྱའོ།། དེ་ནས་ཐབས་དང་ཤེས་རབ་གཉིས།། བལྟ་སྤྱོད་ཡ་ཆར་མ་གྱུར
336a2 པར།། དཀྱིལ་འཁོར་དག་ལ་གསལ་བསྒོམས་ནས།། དབུས་ནས་ཤར་ཕྱོགས་ཁ་བལྟས་ནས།། རྐང་པའི་སྟབས་ཆེན་བསྐྱོད་བྱས་ཤིང་།། ལག་གི་འདུ་བྱེད་ཀུན་བསྐྱོད་ནས།། བྲོ་དང་གར་གྱི་ཕྱག་རྒྱར་བྱ།། དཀྱིལ
336a3 འཁོར་འོད་ཟེར་དཀར་འཕྲོ་བ།། བྱང་ཆུབ་སེམས་དཔའ་རྣམ་པར་དག། ཤིན་ཏུ་གསལ་དང་འོད་ཟེར་འབར།། ཐབས་དང་ཤེས་རབ་བདེ་འགྲུབ་ཤོག། ཅིས་ཀྱང་མི་ཚུགས་རྡོ་རྗེ་ཡིས།། བདུད་བཞི་དག་ནི་འཇོམས
336a4 པར་བྱེད།། ཐེག་མཆོག་རྡོ་རྗེའི་རིགས་འཛིན་ས།། ཐབས་དང་ཤེས་རབ་བདེ་འགྲུབ་ཤོག། བདག་ཉིད་རིག་པའི་རྡོ་རྗེ་ཡིས།། ཉོན་མོངས་སྡུག་བསྔལ་མེད་པར་ཤོག། མེ་ལོང་ལྟ་བུའི་ཡེ་ཤེས་ཀྱིས།། ཐབས་དང
336a5 ཤེས་རབ་གསལ་འགྱུར་ཤོག། ཉོན་མོངས་སྡུག་བསྔལ་རྩད་བཅད་ནས།། མ་རིག་མུན་པ་མེད་པར་བྱེད།། ཐུགས་རྗེའི་འོད་ཟེར་ཉི་ཤར་བར།། ཐབས་དང་ཤེས་རབ་འོད་འབར་ཤོག། ཤིན་ཏུ་སྲ་ཞིང་སྐྱེ་ཤི་མེད།། རྡོ
336a6 རྗེའི་ཐུགས་རྗེ་རོལ་སྟོན་པ།། འགྲོ་ལ་ཐུགས་རྗེ་ཡོངས་ཀྱིས་འབྱུང་།། ཐབས་དང་ཤེས་རབ་བྱམས་ལྡན་ཤོག། ཐབས་དང་ཤེས་རབ་ལྡན་གྱུར་པས།། ཡོན་ཏན་ཕྱོགས་སུ་ཁ་བསྟན་ཏེ།། ལུས་བསྐྱོད་ཡན་ལག་བསྐུལ
iiif viewer powered by OpenSeadragon
