| e-texts navigator |
| Wylie |
335b1 མིང་ཚིགས་སོ་སོར་གསལ།། ལྗགས་ཀྱི་དབང་པོ་བཀྲམ་ནས་གསུངས།། ཐར་དང་མ་ཐར་གཉིས་ཀ་བརྗོད།། ངེས་པ་ཁོ་ན་ཡང་དག་ཏུ།། དེ་བཞིན་ཉིད་ཀྱིས་ཡོངས་མ་གསུངས།། རྣ་བའི་དབང་པོའི་དཀྱིལ་འཁོར
335b2 དུ།། ཏཱཾ་གི་ཡིག་འབྲུ་གསལ་བསྒོམས་ནས།། རྣ་དཀྱིལ་ཕྱོགས་བཅུ་དུས་བཞི་ཡི།། མཐའ་ཡས་བསམ་གྱིས་མི་ཁྱབ་སྤྲོ།། ཏཱཾ་ཡང་བསམ་ཡས་འོད་འཕྲོ་འབར།། ཕྱོགས་དུས་དཀྱིལ་འཁོར་མ་ལུས་ཐོས།། འགྲོ་དྲུག
335b3 འཁོར་བའི་གནས་ཀྱང་ཐོས།། སྒྲ་དང་ཐོས་པ་གཉིས་མེད་པའོ།། དེ་བཞིན་དྲི་དང་རོ་རེག་རྣམས།། སོ་སོའི་མཚན་ཉིད་གསལ་བསྒོམས་ནས།། ཡིག་འབྲུའི་སྙིང་པོ་དེ་བཞིན་དགོད།། སངས་རྒྱས་དཀྱིལ་འཁོར་མ
335b4 ལུས་དང་།། འགྲོ་དྲུག་མ་ལུས་ཐམས་ཅད་ཀུན།། ཆགས་པ་མེད་པའི་ཚུལ་གྱིས་རོལ།། དྲི་ལ་སོགས་པ་བདེ་མཆོག་གིས།། ཀུན་ལ་ཚིམ་པར་ཡང་དག་མཆོད།། འགྲོ་དྲུག་མ་ལུས་ཐམས་ཅད་ལ།། ཇི་ལྟར་འཚམས
335b5 པའི་དོན་ཡང་བྱེད།། ཐབས་མཁས་ཐུགས་རྗེ་དེ་ལྟར་སྟོན།། ཀུན་བྱས་བྱང་ཆུབ་ཉིད་དུའོ།། དེ་བཞིན་རིགས་དང་རྡོ་རྗེའི་རིགས།། མ་ཆགས་ལ་སོགས་ཤེས་རབ་ལྡན།། གཙོ་བོ་ལྔ་དང་གཙོ་མོ་ལྔ།། ཐབས་དང་ཤེས
335b6 རབ་ལྡན་བསྒོམས་ཏེ།། ཚོམ་བུ་གཅིག་གམ་ཡང་ན་གསུམ།། ལྔ་ཡི་དཀྱིལ་འཁོར་རབ་བསྒོམས་ཏེ།། ཐབས་དང་ཤེས་རབ་ཕན་ཚུན་དུ།། ལྷ་གསལ་འོད་འཕྲོ་བསྟིམ་བྱས་ཏེ།། དཀྱིལ་འཁོར་འོད་ཟེར་འབར་བར
iiif viewer powered by OpenSeadragon
