| e-texts navigator |
| Wylie |
334b1 གསལ།། སངས་རྒྱས་ཞིང་སྦྱང་རིག་འཛིན་བསྐུལ།། ངན་སོང་གསུམ་རྣམས་དག་པར་བྱེད།། ཐབས་དང་ཤེས་རབ་ལྡན་གྱུར་ནས།། སངས་རྒྱས་དཀྱིལ་འཁོར་མ་ལུས་འབྱུང་།། རྒྱུར་བྱས་འབྲས་བུ་སྨིན་གྲུབ
334b2 ན།། དཀྱིལ་འཁོར་བཞི་བཅུ་རྩ་གཉིས་རྫོགས།། བདེ་བའི་ཐབས་ཆེན་ཐབས་ཀྱི་མཆོག། ཤེས་རབ་བདེ་མཆོག་བརྟན་ལྡན་རྫོགས།། རྡོ་རྗེ་དྲིལ་བུ་ཡང་དག་ལྡན།། རཀྟ་བྱང་ཆུབ་དུམ་གཅིག་འབར།། གཉིས་མེད
334b3 ཟུང་དུ་འབྲེལ་གྱུར་ན།། བདེ་གཤེགས་དཀྱིལ་འཁོར་མ་ལུས་འབྱུང་།། རྣལ་འབྱོར་ཐབས་དང་ཤེས་རབ་ལྡན།། རྒྱན་མཆོག་མཛེས་པས་ཀུན་བརྒྱན་ནས།། ཏིང་འཛིན་འོད་འབར་གསལ་བསྒོམས་ཏེ།། ཕྱོགས་བཅུ
334b4 གང་འབར་དཀྱིལ་འཁོར་སྤྲོ།། མ་ལུས་དཀྱིལ་འཁོར་བདག་ཉིད་ཆེ།། མི་དམིགས་དབྱིངས་ནས་དཀྱིལ་འཁོར་མཆོད།། སྤྱན་གྱིས་གཟིགས་དང་སྙན་གྱིས་གསན།། དྲི་དང་རོ་དང་རེག་བྱའི་གནས།། ཐབས་དང
334b5 ཤེས་རབ་ཉིད་གནས་ཤིང་།། བདེ་མཆོག་རོ་ཡིས་ཚིམས་པར་བྱེད།། སྤྱོད་བཞིན་ཆགས་དང་གཉིས་མེད་པར།། ཚོགས་ཆེན་དག་ཀྱང་རྫོགས་པར་ལྡན།། བྷྲཱུཾ་དང་ཙཀྲའི་དཀྱིལ་འཁོར་དུ།། ཉི་ཟླ་འཁྲུགས་པའི་ས
334b6 གཞི་ལ།། མ་ཆགས་པདྨའི་གདན་བཏིང་ནས།། ཐབས་དང་ཤེས་རབ་ཆགས་མེད་ཚུལ།། ཡན་ལག་དབང་པོ་ཐམས་ཅད་ཀུན།། རང་བཞིན་ཡོངས་ཀྱིས་དག་པ་དང་།། ཏིང་འཛིན་དེ་བཞིན་གཤེགས་པ་ལྔའོ།། ཡེ
iiif viewer powered by OpenSeadragon
