| e-texts navigator |
| Wylie |
330b1 ཅིག་མ།། སྣང་བ་མི་འགོག་ཐབས་ཡིན་ཏེ།། རང་བཞིན་མེད་པ་ཤེས་རབ་ཉིད།། ཉོན་མོངས་རྣམ་པར་ཤེས་པ་ནི།། ཀུན་གཞི་ཉིད་སྣང་སྤྱོད་ཡུལ་ལ།། ང་དང་བདག་ཏུ་རྣམ་པར་རྟོག། བདེ་སྡུག་མཚན་མ་སོ་སོར
330b2 འཛིན།། ཀུན་གཞི་དངོས་པོ་མེད་པ་ལ།། བག་ཆགས་སྩོགས་པའི་གནས་མེད་དེ།། སྣང་བའི་དངོས་པོ་མེད་པ་ལ།། ཉོན་མོངས་བློ་ཡིས་བླང་དུ་མེད།། བསྒོ་དང་བསྒོ་བར་བྱ་བ་མེད།། དེ་ལྟར་སྒོ་བྱེད་དངོས་པོ
330b3 མེད།། མེད་བཞིན་སེམས་ཀྱིས་ལོག་བརྟགས་པས།། ཁམས་གསུམ་བཙོན་རར་རྟག་ཏུ་འཁོར།། ཡིད་ཀྱི་རྣམ་པར་ཤེས་པ་ནི།། སྣང་དང་མི་སྣང་གཉིས་ཀ་ལ།། སྐད་ཅིག་ཡུད་ཙམ་རྟོག་པ་ཡིན།། རྟོག་པ་ཉིད་ཀྱང་མ
330b4 འགྲུབ་ན།། ཡུལ་གྱི་དངོས་པོ་ག་ལ་འགྲུབ།། ཡིད་ཀྱི་དེ་བཞིན་རྒྱུན་ཉིད་ནི།། སྔ་མ་འདས་ཤིང་མི་དམིགས་པ།། ཕྱི་མ་མ་བྱུང་བརྟག་ཏུ་མེད།། ད་ལྟར་རང་བཞིན་དམིགས་སུ་མེད།། རྩི་ཤིང་ཀ་ན་རླུང་འཕྱོ།
330b5 འདྲ།། རྒྱུད་ནི་ཡོངས་སུ་མ་ཆད་པ།། འདི་ནི་ཀུན་ཏུ་འབྱུང་བ་ཡིན།། དེ་ལྟར་དོན་རྣམས་དངོས་པོ་མེད།། ཆུ་དང་རླུང་དང་རླབས་འདྲ་བ།། དེ་གསུམ་གཅིག་དང་སོ་སོ་མིན།། དེ་བཞིན་ཀུན་གཞི་ཉོན་མོངས
330b6 ཡིན།། གཅིག་པ་མ་ཡིན་སོ་སོ་མིན།། ཆོས་ཀྱི་དབྱིངས་དང་མཉམ་པའི་དབྱིངས།། ཐམས་ཅད་ཡེ་ཤེས་དབྱེར་མེད་ཅིང་།། གཅིག་ཏུ་ཡང་ནི་བརྗོད་པ་མེད།། དེ་ལྟར་མ་རྟོགས་སེམས་ཅན་ཡིན།། རྟོགས་ན་སངས
iiif viewer powered by OpenSeadragon
