| e-texts navigator |
| Wylie |
330a1 བསྔལ་ཟད་པའི་གོ་འཕང་འཐོབ།། རྡོ་རྗེའི་རིགས་མཆོག་འཛིན་འགྱུར་ཏེ།། ཐུགས་རྗེ་ཆེན་པོའི་བྱིན་རླབས་ཀྱིས།། འགྲོ་བ་མ་ལུས་ཐམས་ཅད་ཀུན།། རྡོ་རྗེའི་རིགས་སུ་འདྲེན་པར་བྱེད།། བདུད་སྡེ
330a2 ཚར་གཅོད་ཉོན་མོངས་འདུལ།། ཆོས་ཀྱི་འཁོར་ལོ་ཡང་དག་བསྐོར།། འགྲོ་བ་མ་ལུས་ཐམས་ཅད་ལ།། མི་རྟག་པ་ཡི་ཚུལ་ཡང་སྟོན།། ཉན་ཐོས་རྣམས་ལ་དགྲ་བཅོམ་ཚུལ།། བྱང་ཆུབ་རྣམས་ལ་རང་བྱུང་ཚུལ།། བླ
330a3 མེད་ཐེག་པར་སངས་རྒྱས་ཚུལ།། ལྷུན་གྲུབ་རྣམས་ལ་རྡོ་རྗེ་དབྱིངས།། ཀུན་ལ་མཐུན་པའི་ཚུལ་སྟོན་ཡང་།། དེ་བཞིན་དབྱིངས་ལས་གཡོས་པ་མེད།། མ་གཡོས་བཞིན་དུ་ཀུན་ཏུ་སྟོན།། ཆོས་རྣམས་མ་ལུས་ཐམས
330a4 ཅད་ཀུན།། དེ་ལྟ་བུ་ཡི་ངང་དུ་གནས།། ཞེས་རྡོ་རྗེ་གསང་བའི་ཚིག་ཏུའོ།། ཉིད་ལ་ཉིད་དེ་སྐད་བརྗོད་དོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས། སྐྱེས་བུ་དམ་པ་བློ་རྩལ་རབ་ཀྱིས་རྡོ་རྗེ་སེམས་དཔའ་ཞལ
330a5 མཐོང་བའི་ལེའུ་སྟེ་སུམ་ཅུ་པའོ།། །། དབང་པོ་ཡུལ་དུ་སྣང་བ་ཀུན།། ཡུལ་རྣམས་ཡོད་པ་མ་ཡིན་ཏེ།། ཀུན་གཞིའི་རྣམ་པར་ཤེས་པ་ཉིད།། དངོས་པོ་སྣ་ཚོགས་སྣང་བ་སྟེ།། སྣང་བའི་དངོས་པོ་རྣམ་བཤིགས
330a6 ན།། སོ་སོའི་མཚན་ཉིད་དངོས་མེད་པས།། གཞིག་ན་ནམ་མཁའི་ངང་དུ་ཞི།། ནམ་མཁའ་དེ་ཉིད་ལྔས་བཤིགས་ན།། མཚན་ཉིད་མེད་པའི་ངང་དུ་ཐིམ།། ཐམས་ཅད་ཀུན་གྱི་འབྱུང་གནས་སོ།། གཞི་རྩ་མེད་པའི་སྐད
iiif viewer powered by OpenSeadragon
