| e-texts navigator |
| Wylie |
329b1 དོན་སྟོན་པ།། ཀུན་ཀྱང་ཡི་གེ་མིང་ཚིག་བཞིན།། གང་ཡང་དངོས་ཡོད་མ་ཡིན་ཏེ།། དངོས་མེད་དེ་ཉིད་སྣ་ཚོགས་སྣང་།། སྣང་བ་ཉིད་ན་གང་ཡང་མེད།། བྱ་བྱེད་སྣ་ཚོགས་ཀུན་བྱེད་ཀྱང་།། དངོས་པོ་མེད་དེ་ཡང་དག
329b2 ཉིད།། དེ་ནི་ཅིས་ཀྱང་མི་ཚུགས་པའི།། ས་རྡོ་དྲན་མེད་མ་ཡིན་ཏེ།། དེ་ཉིད་ཤིན་ཏུ་འོད་གསལ་ཡིན།། རྡོ་རྗེ་སེམས་དཔའ་དེ་ལྟར་གནས།། གང་ཞིག་དེ་ལྟར་རྟོགས་པ་ཡི།། རིགས་མཆོག་དམ་པའི་རྒྱུ་ཡིན་ཏེ།། རྡོ
329b3 རྗེའི་རིགས་དང་དབྱེར་མེད་ཕྱིར།། དེ་ཉིད་རྡོ་རྗེ་ཞལ་མཐོང་ཡིན།། སྐྱེས་བུ་བློ་རྩལ་རབ་ལྡན་པས།། ཀུན་དང་དབྱེར་མེད་དོན་རྟོགས་ཏེ།། འབྲས་བུ་མངོན་དུ་མ་གྱུར་ཀྱང་།། བྱང་ཆུབ་སེམས་ལ་གནས་བཅས
329b4 པས།། དཔེར་ན་མངལ་དང་སྒོ་ང་བཞིན།། མངོན་དུ་མི་འབྱུང་བསྒྲིབས་གྱུར་ཀྱང་།། རྩལ་ཆེན་འདུལ་བ་འབྱུང་བ་བཞིན།། རྣམ་རྟོག་གཟུགས་ནི་བོར་མ་ཐག། ཐམས་ཅད་ཀུན་ལ་དབང་བསྒྱུར་ཞིང་།། རིགས་མཆོག
329b5 དམ་པ་འཛིན་པར་འགྱུར།། རྡོ་རྗེ་སེམས་དཔར་མཉམ་པ་ཡི།། དངོས་གྲུབ་མཆོག་རྣམས་ཡོངས་སུ་རྫོགས།། བདེ་བ་ཅན་གྱི་ཞིང་ཡང་འཐོབ།། བྱང་ཆུབ་མཆོག་ལ་རོལ་པར་འགྱུར།། ལྷ་མི་རྣམས་ཀྱི་སྟོན
329b6 པའོ།། ལུས་ངག་སེམས་ལ་དབང་ཐོབ་ནས།། ཇི་ལྟར་དམིགས་པ་བཞིན་དུ་འགྲུབ།། ཚད་མེད་བཞི་ལ་དབང་བྱེད་འགྱུར།། བདེ་བའི་རིགས་མཆོག་ཀུན་ལ་སྤྱོད།། ཐ་མར་སྐྱེ་རྒ་ན་འཆི་འདི་ལ་སོགས་པ་ཡི།། སྡུག
iiif viewer powered by OpenSeadragon
