| e-texts navigator |
| Wylie |
329a1 སོའི་མཚན་འཛིན་ཤེས་རབ་རྟོགས།། གཉིས་མེད་འབྲེལ་པ་ཐབས་ཆེན་ཡིན།། ཀུན་ཀྱང་ཤེས་རབ་དང་དུ་གནས།། སྣང་དང་གནས་པ་ཐམས་ཅད་ཀུན།། དེ་བཞིན་ཉིད་ལས་མ་གཡོས་ཕྱིར།། ཡོད
329a2 དང་མེད་པ་གཉིས་ཀ་མིན།། གནས་དང་མི་གནས་དབྱེ་རུ་མེད།། མཉམ་པའི་དབྱིངས་སུ་ཐམས་ཅད་འདུས།། འདུས་ཉིད་དབྱིངས་སུ་མ་ཕྱེ་བའི།། ཐམས་ཅད་དེ་ལྟ་བུ་ཡི་དང་།། མཉམ་ཉིད་དབྱེར་མེད་ཅིས་མི
329a3 གས།། དེ་ཉིད་སེམས་དཔའི་བཞུགས་གནས་ཡིན།། དེ་ལྟར་རྟོགས་པའི་རིགས་མཆོག་དེ།། སེམས་དཔའ་ཉིད་དང་རིགས་མཐུན་པས།། དེ་ཉིད་རྡོ་རྗེའི་ཞལ་མཐོང་ཡིན།། དེ་ལྟར་རྟོགས་པའི་ཕུང་ཁམས
329a4 ལ།། གཞི་རྩ་དེ་བཞིན་ཉིད་དུ་གཅིག། སྒྱུ་མར་སྣང་བས་གཟུགས་བརྙན་ཚུལ།། སྣང་བ་ཉིད་ན་དངོས་པོ་མེད།། དངོས་མེད་དེ་ཉིད་སྣ་ཚོགས་སྟོན།། ཕུང་པོ་ལྔ་ཉིད་དེ་བཞིན་གཤེགས།། དབང་པོ་རྣམ་ཤེས་བྱང་ཆུབ
329a5 སེམས།། ཡུལ་དུས་བོ་དྷི་ཆེན་པོ་ཡིན།། བདག་རྟོགས་རྣམ་བཞི་ཁྲོ་བོ་ཡིན།། རྟག་ཆད་མུ་བཞི་ཁྲོ་མོ་ཡིན།། དེ་སེམས་རང་རིག་ཉིད་ཅེས་བྱ།། ཐམས་ཅད་དབྱིངས་གྱུར་ཀུན་ཏུ་བཟང་།། དེ་ཉིད་རྡོ་རྗེ་སེམས་དཔའ
329a6 ཡིན།། གང་ཞིག་དེ་ལྟར་རྟོགས་གྱུར་ན།། སེམས་དཔའ་ཉིད་དང་དགོངས་མཐུན་པ།། དེ་ཉིད་རྡོ་རྗེའི་ཞལ་མཐོང་ཡིན།། ཆོས་རྣམས་མ་ལུས་ཐམས་ཅད་ཀུན།། མིང་དང་ཚིག་དང་ཡི་གེ་དང་།། སྒྲ་ཡིས་མཚོན་ནམ
iiif viewer powered by OpenSeadragon
