| e-texts navigator |
| Wylie |
328a1 ལྟར་བསྒྲུབ་པའི་ངང་འཆང་བ།། ཡེ་ཤེས་ཚོགས་གཉིས་རྫོགས་བྱས་ནས།། རིག་པ་འཛིན་པའི་ས་ལ་གནས།། ཐེག་དམན་སྤྱོད་པ་ཡོངས་མི་འགྱུར།། མི་ཁོམ་གནས་སུ་སྐྱེ་མི་འགྱུར།། སྐྱེ་འཆི་མེད
328a2 པའི་གཡུང་དྲུང་ཐོབ།། སངས་རྒྱས་ཞིང་དང་སྦྱོར་བར་བྱེད།། ངན་སོང་གནས་རྣམས་སྟོངས་པར་བྱེད།། ཡང་དག་མཆོག་གི་སྙིང་པོ་འགྲུབ།། དེ་ནས་དེ་བཞིན་གཤེགས་པ་གསང་བའི་སྙིང་པོ་དེ་ཁོ་ན་ཉིད་ངེས་པ
328a3 ལས། བདག་དང་སེམས་ཅན་དབྱེར་མེད་པར་ཡང་དག་པའི་དབྱིངས་སུ་འདུས་ཤིང་།། བདག་གིས་རྡོ་རྗེ་སེམས་དཔའི་ཞལ་མངོན་སུམ་དུ་མཐོང་བའི་དོན་བསྟན་པའི་ཕྱིར།། ཆེད་དུ་བརྗོད་པ་འདི་གསུངས
328a4 སོ།། ཀུན་རྫོབ་སྒྱུ་མར་ཞལ་མཐོང་བའི།། ཐམས་ཅད་མིག་ཡོར་སྒྱུ་མའི་ཚུལ།། སྲིད་གསུམ་མ་ལུས་ཐམས་ཅད་ཀུན།། ཆུ་ཟླའི་ཚུལ་དུ་འདྲར་ཤེས་ཤིང་།། ཡུལ་དང་རྟོག་པ་གཉིས་མེད་པར།། གང་གིས་དེ་ལྟར་རིག
328a5 པ་དེ།། གཞི་རྩ་མེད་དབྱིངས་སྐད་ཅིག་མ།། སྔ་ཕྱི་མེད་དབྱིངས་དེ་བཞིན་ཉིད།། ཅིས་ཀྱང་མི་ཚུགས་རྡོ་རྗེ་ཡིན།། རྡོ་རྗེ་སེམས་དཔའ་དེ་ལ་གནས།། ལྟ་སྤྱོད་མཐུན་པར་ཞལ་མཐོང་ཡིན།། རང་བཞིན་དཀྱིལ་འཁོར
328a6 ཡང་དག་ནི།། ཆོས་དབྱིངས་བདག་དང་དབྱེར་མེད་པའོ།། མཉམ་པར་སྦྱོར་ཞིང་དག་པའོ།། ཐམས་ཅད་བྱང་ཆུབ་ལྷུན་གྲུབ་ཅིང་།། དེ་ལྟར་གང་གིས་རྟོགས་གྱུར་པ།། དེ་ནི་ཡེ་ཤེས་མིག་ཅན་ཡིན།། དེ་ཡིས་ཡང
iiif viewer powered by OpenSeadragon
