| e-texts navigator |
| Wylie |
327b1 བྱེད།། ཚོགས་ཀྱི་ཕྲིན་ལས་ཞེས་བྱ་བའི་དམ་ཚིག་ནི། བྱེད་པ་མེད་པའི་ཚུལ་གྱིས་ནི།། ཀུན་ལ་ཐོགས་པ་མེད་པར་སྤྱད།། ཐམས་ཅད་མ་ལུས་འདུལ་བར་བྱེད།། མི་མཐུན་ཕྱོགས་རྣམས་འདུལ་བར་བྱེད།། ཡོན་ཏན
327b2 ཆེན་པོ་འཕེལ་བར་བྱེད།། ཁྲོ་བོ་གཏུམ་པོའང་ཞི་བར་བྱེད།། ཐམས་ཅད་ཀུན་ལ་སྤྱད་བདེ་བ།། ཆགས་པ་མེད་པའི་ཚུལ་གྱིས་གནས།། དབྱིངས་སུ་སྡུད་པས་དཀྱིལ་ཡིན་ཏེ།། འཕྲོ་འདུ་མང་པོའི་འཁོར་གྱིས
327b3 བསྐོར།། མཉམ་པ་ཆེན་པོའི་ངང་ཉིད་ནི།། དེ་ལྟ་བུ་ཡི་ཚུལ་དུ་གནས།། འཁོར་གྱི་ཕྲ་མེན་ཚིམས་བྱེད་ཅེས་བྱ་བའི་དམ་ཚིག་ནི། བདག་ཉིད་འདུལ་བའི་དབང་ཕྱུག་ཏུ།། རྟག་ཏུ་མཉམ་གཞག་ཁྲོ་བོའི་ཚུལ།། འཁོར
327b4 རྣམས་ཁྲོ་རྣམས་དེ་བཞིན་ཏེ།། མདོག་དང་ཕྱག་མཚན་ཐམས་ཅད་དང་།། སྔགས་མཆོག་དམ་པ་མ་ལུས་གདོན།། དེ་ནས་ཕྲ་མེན་འཁོར་བསྡུས་ནས།། སོ་སོའི་ལས་དང་མཐུན་བྱས་ཏེ།། སོ་སོའི་གནས་སུ་གཞག།
327b5 པར་བྱ།། དབང་དུ་བསྡུ་དང་བསྒོ་བའི་ཐབས།། ཇི་ལྟར་འཚམས་པ་བཞིན་དུ་བྱས།། མ་ལུས་ཐམས་ཅད་བྱོས་ཤིག་པར།། ལྷག་མ་བྱིན་ནས་དབང་ཡང་བསྐུར།། གཞན་ཡང་འགྲོ་བ་ཐམས་ཅད་ལ།། འདོད་ཡོན་ལྔ
327b6 སྦྱིན་པ་གཏོང་།། དེ་ནས་ལས་རྣམས་རྫོགས་བྱས་ནས།། དབང་ཕྱུག་ཆེན་པོའི་གནས་བརྟེན་ན།། རིགས་ལྔ་ཡེ་ཤེས་ལྔ་ལ་སོགས།། འཁོར་གྱི་དཀྱིལ་འཁོར་མ་ལུས་པ།། བདག་ལ་ཐམས་ཅད་བསྡུ་བར་བྱ།། དེ
iiif viewer powered by OpenSeadragon
