| e-texts navigator |
| Wylie |
326b1 ཀུན།། ང་དང་བདག་ཏུ་མི་འཛིན་ཅིང་།། ཀུན་ཀྱང་དབྱེར་མེད་ཉིད་ཡིན་པས།། ཐམས་ཅད་མེ་ལོང་ལྟ་བུའི་ཚུལ།། ཐམས་ཅད་ཀུན་ལ་ཡུད་རྟོག་ཅིང་།། རྟོགས་དང་བརྟག་པར་བྱ་བ་མེད།། དུས་གསུམ་དུའང་མི
326b2 དམིགས་པ།། འདི་ནི་མཉམ་ཉིད་ཡེ་ཤེས་ཡིན།། ལོག་རྟོག་དབང་གིས་སྤྱོད་ཡུལ་སྤངས།། དབང་པོའི་ཡུལ་རྣམས་དངོས་མེད་དང་།། ཐམས་ཅད་དབྱེར་མེད་དེ་བཞིན་ཉིད།། སོ་སོར་རྟོག་པའི་ཡེ་ཤེས་ཡིན།། མཉམ
326b3 པ་རྣམ་ལྔ་དེ་ལྟར་བརྟག། ཆོས་རྣམས་མ་ལུས་ཐམས་ཅད་ལ།། ཡེ་ནས་རང་བཞིན་མེད་པ་དང་།། ཐབས་ཆེན་ལྷུན་གྱིས་གྲུབ་པར་བརྟག། འདི་ནི་ཡང་དག་རྟགས་པ་ཡིན།། ཆོས་ཀྱི་དཀྱིལ་འཁོར་ཞེས་བྱ་བའི་དམ
326b4 ཚིག་ནི། བསོད་ནམས་ཡེ་ཤེས་ཚོགས་རྫོགས་ཏེ།། རང་རིག་མཐའ་དབུས་མེད་པའི་དཀྱིལ།། ཡེ་ཤེས་བཞི་འཕོ་འཁོར་ལོའི་ཚུལ།། ཡང་ན་རྡོ་རྗེ་སེམས་དཔའ་ཉིད།། རིགས་བཞི་ལྷ་དང་ལྷ་མོ་དང་།། འཁོར་གྱི་ཁྲོ
326b5 བོཔོ་ཁྲོ་མོ་ཡི།། ཡང་དག་འདས་པ་དཀྱིལ་ཡིན་ཏེ།། འཇིག་རྟེན་འདས་པ་འཁོར་ཡིན་ནོ།། ཚོགས་ཀྱི་མཆོད་པ་ཞེས་བྱ་བའི་དམ་ཚིག་ནི། ཐབས་དང་ཤེས་རབ་ལྡན་གྱུར་ཞིང་།། བྱང་ཆུབ་སེམས་དང་མ་ཆགས
326b6 པའི།། གཉིས་སུ་མེད་པར་ཐིམ་གྱུར་ན།། ཚོགས་ཆེན་ཉིད་ཀྱང་རྫོགས་པར་ལྡན།། འདོད་ཡོན་ལྔ་པོ་ཐམས་ཅད་དང་།། སྣ་ཚོགས་སྣང་བ་ཐམས་ཅད་ཀུན།། དེ་བཞིན་གཤེགས་པའི་དཀྱིལ་འཁོར་དང་།། གཟུགས
iiif viewer powered by OpenSeadragon
