| e-texts navigator |
| Wylie |
325b1 ཏེ།། ཤེས་རབ་ཆེན་པོས་དེ་ལྟར་རྟོགས།། རོ་ཡི་དངོས་པོར་སྣང་བ་ཡང་།། རོ་ཡི་རང་བཞིན་ཡོད་མ་ཡིན།། རོར་བྲོ་དེ་བཞིན་ཉིད་ཀྱི་རོ།། བདེ་བ་དེ་ཡིས་ཚིམས་པར་བྱེད།། རེག་བྱ་སྣ་ཚོགས་སྣང་བ་ཡང་།། རེག
325b2 བྱའི་དངོས་པོ་ཡོངས་མེད་དེ།། རེག་བྱར་སྣང་བ་ལོངས་སྤྱོད་ཡིན།། བདེ་བ་ཆེན་པོ་ཆོས་ཀྱི་སྐུ།། མི་ཤེས་ཕྱིན་ཅི་ལོག་རྣམས་ཀྱིས།། དབང་པོ་ཡུལ་ལ་ཆགས་གྱུར་ན།། རྟག་ཏུ་འདོད་དང་མི་འབྲལ་ཞིང་།། ངན་སོང
325b3 གསུམ་དང་མི་ཁོམ་བརྒྱད།། རྩཝ་དང་སོག་མའི་མེ་བཞིན་དུ།། ཁམས་གསུམ་དག་ཏུ་འཁོར་བར་འགྱུར།། དེ་བས་ཡེ་ཤེས་ཆགས་མེད་རྟོགས།། བྱས་ལ་མི་སོགས་བསོད་ནམས་བྱོས།། ཀུན་ལ་སྤྱོད་ཅིང་མི་གོས
325b4 པས།། ཡེ་ཤེས་ཆེན་པོ་རྟག་ཏུ་བསྒོམ།། མཉམ་པ་ལྔ་ཞེས་བྱ་བའི་དམ་ཚིག་ནི།། དོན་དམ་སྐྱེ་བ་མེད་པར་མཉམ་པ་དང་།། ཀུན་རྫོབ་སྒྱུ་མར་མཉམ་པ་དང་། དོན་དམ་པ་དང་ཀུན་རྫོབ་ཏུ་དབྱེར་མེད་པར་མཉམ་པ
325b5 དང་། ཆེན་པོ་ལྔ་དེ་བཞིན་གཤེགས་པ་ལྔར་མཉམ་པ་དང་། རྣམ་པར་ཤེས་པ་བརྒྱད་ཡེ་ཤེས་ལྔར་མཉམ་པའོ།། དེ་ལ་དོན་དམ་པར་སྐྱེ་བ་མེད་པར་མཉམ་པ་ནི། ཆོས་རྣམས་མ་ལུས་ཐམས་ཅད་ཀུན།། དེ་བཞིན
325b6 ཉིད་དང་སྟོང་པའི་མཐའ།། ཡང་དག་པ་དང་ཆོས་ཀྱི་དབྱིངས།། མཚན་ཉིད་མེད་ཅིང་དམིགས་སུ་མེད།། གཟུང་དུ་མེད་ཅིང་སྨོན་པ་མེད།། ཡེ་ནས་མྱ་ངན་འདས་པ་ཡིན།། ཐམས་ཅད་ནམ་མཁའི་མཚན་ཉིད
iiif viewer powered by OpenSeadragon
