| e-texts navigator |
| Wylie |
324a1 ལུས་ཐམས་ཅད་ལ།། མཚན་མ་ཆེ་ཆུང་བསམ་མི་ཁྱབ།། ཁྱབ་མེད་དངོས་པོ་ཡོད་མ་ཡིན།། དེ་ལྟར་རྟོགས་ན་སངས་རྒྱས་མཚན།། འདུ་བྱེད་མཚན་ཉིད་འདི་ལྟར་གནས།། རྩ་བ་བརྒྱད་པོ་གྲངས
324a2 འགྱུར་ཏེ།། ལྔ་བཅུ་རྩ་གཉིས་ཀུན་ལ་འཕོ།། དེ་རྟོགས་རྩ་བ་ཡོད་མ་ཡིན།། མེད་བཞིན་ལོག་གཡོ་རྣམ་པར་འབྱུང་།། དེ་ལ་དངོས་པོར་འཛིན་པ་ནི།། རྟག་ཏུ་ཉོན་མོངས་གཡེངས་གྱུར་ནས།། ཁམས་གསུམ་བཙོན་ར
324a3 ཀུན་ཏུ་འཁོར།། ཡང་དག་དོན་ཕྱིར་རིག་པས་ནི།། འཕྲོ་བའི་གཞི་རྩ་དེ་བཞིན་དེ།། དེ་ལ་རྣམ་རིག་འབྱུང་བ་ནི།། དངོས་པོ་མེད་དེ་སྐད་ཅིག་མ།། ཡེ་ཤེས་དབྱིངས་ལ་རོལ་པར་མཛོད།། སྤྲུལ་པའི་ཚོགས་ཆེན་ཡིན།
324a4 པར་བཤད།། ཀུན་གྱི་འབྱུང་གནས་རྣམ་ཤེས་ཏེ།། དེ་ཡི་དངོས་པོའི་རང་བཞིན་ནི།། ཁ་དོག་དབྱིབས་དང་རིགས་རྒྱུད་མིན།། གང་ཡང་མ་ཡིན་དེ་མི་དམིགས།། འདི་ནི་ཀུན་ལ་དབང་བསྒྱུར་ཏེ།། མཐོ་རིས་འགྲོའམ
324a5 ངན་སོང་འགྲོ།། རྟོགས་དང་མ་རྟོགས་ཁྱད་པར་རོ།། བཞི་པོ་མཉམ་པའི་ངང་ཤེས་ན།། འདི་ནི་ཡེ་ཤེས་ཆེན་པོ་ཡིན།། ཁ་དོག་ལྔ་ཡི་དམ་ཚིག་ནི།། སེམས་ཅན་མ་ལུས་ཐམས་ཅད་ལ། ཡེ་ཤེས་ལྔ་ཡིས་ཀུན་ཁྱབ
324a6 ཀྱང་།། རང་གི་རྣམ་རྟོག་བསྒྲིབས་བྱས་ཏེ།། ཡེ་ཤེས་ལྔ་ཡི་དོན་མ་མཐོང་།། མ་མཐོང་རྨོངས་པ་ཐམས་ཅད་ལ།། ཡེ་ཤེས་མཚན་ཉིད་བསྟན་པའི་ཕྱིར།། དཀར་དག་དམར་དང་སེར་བ་དང་།། ལྗང་གུ་ལ་སོགས་ནག
iiif viewer powered by OpenSeadragon
