| e-texts navigator |
| Wylie |
322a1 ཅད་ཀུན།། རིགས་ཆེན་དག་ཏུ་ཟད་པར་འདུས།། མ་ལུས་ཆོས་ཀུན་དབྱེར་མི་དམིགས།། ཅིས་ཀྱང་མི་ཚུགས་རྡོ་རྗེ་ཡིན།། རིགས་ངན་འཇོམས་པས་རྡོ་རྗེ་ཡིན།། མི་དམིགས་དབྱིངས་ནས་ཀུན་འབྱུང
322a2 བ།། ཡོན་ཏན་ཆེན་པོ་གནས་ཡིན་ཏེ།། ཞིང་ཁམས་མི་ཟད་གནས་ཀྱང་ཡིན།། འདི་ནི་རིན་ཆེན་རིགས་སུ་གསུངས།། ཆོས་རྣམས་ཐམས་ཅད་དབྱེར་མེད་པས།། ཆགས་དང་ཆགས་པར་བྱ་བ་མེད།། དེ་བཞིན་ཉིད་དུ
322a3 གཅིག་པ་སྟེ།། ཉེས་པས་མི་གོས་པདྨ་ཡིན།། ཐམས་ཅད་མ་ལུས་དབྱིངས་འདུས་པས།། འདི་ལ་བྱ་བ་རྡུལ་ཙམ་མེད།། མ་བྱས་བཞིན་དུ་དོན་གྲུབ་པ།། སྐྱོན་ཡོན་བྱང་ཆུབ་ཉིད་དུ་སྦྱོར།། འདི་ནི་ལས་རྣམས་གྲུབ་པ
322a4 ཡིན།། ཆོས་རྣམས་མ་ལུས་ཐམས་ཅད་ཀུན།། མཐའ་དང་དབུས་མེད་དུ་མར་བྲལ།། གང་ཡང་མ་ཡིན་དེ་བཞིན་ཉིད།། དབྱེར་མེད་པ་ཡི་ཚུལ་རྟོགས་ཏེ།། འདི་ནི་དེ་བཞིན་གཤེགས་པའི་རིགས།། དམ་ཚིག་ཆེན
322a5 པོའི་མདོ་རྣམས་ལས།། འབྱུང་བ་ལྔ་རྣམས་བཤད་པ་ནི།། ཐམས་ཅད་མ་ལུས་འབྱུང་བའི་གནས།། ཐམས་ཅད་ཀུན་གྱི་མཛོད་སྐྱེད་ཡིན།། ཆོས་རྣམས་མ་ལུས་ཐམས་ཅད་ལ།། སྲ་ཞིང་བརྟན་པའི་གནས་ཡོད
322a6 པས།། དངོས་པོ་མེད་པའི་ཚུལ་རྟོགས་ཏེ།། འདི་ནི་ས་ཆེན་ཡིན་པར་བཤད།། སྣང་སྲིད་མ་ལུས་ཐམས་ཅད་ལ།། གསལ་ཞིང་དྲོ་བའི་གནས་བྱེད་ཅིང་།། མཚན་མ་བག་ཆགས་སྲེག་བྱེད་པ།། འདི་ནི་མེ་ཡི་རིགས་སུ
iiif viewer powered by OpenSeadragon
