| e-texts navigator |
| Wylie |
321b1 བར་འགྱུར།། དེ་ལ་སུ་ཞིག་ཆགས་པར་བྱེད།། སྤྱོད་བཞིན་མ་ཆགས་ཡེ་ཤེས་ཡིན།། བདེ་བའི་མཆོག་ཉིད་བསོད་ནམས་ཚོགས།། དེ་ལྟ་བུ་ཡི་ངང་དུ་སྤྱོད།། འདི་ནི་སྤྱོད་པ་རླབས་ཆེན་ཡིན།། ལྟ་སྤྱོད་ཡ་ཆར་མ་གྱུར
321b2 པར།། སྔགས་འཆང་རྣམས་ཀྱིས་རྟག་ཏུ་སྤྱད།། ཁ་ཅིག་ལྟ་བ་མཉམ་ནས་ཀྱང་།། སྤྱོད་པ་དག་དང་ཡོངས་མི་མཐུན།། ཁ་ཅིག་སྤྱོད་པ་རྫོགས་བྱེད་ཀྱང་།། མཉམ་པའི་ལྟ་བ་ཡོངས་མི་ཤེས།། ཁ་ཅིག་ལྟ་སྤྱོད་གཉི་ག
321b3 མེད།། ཡང་དག་སྐྱེས་མཆོག་དམ་པ་ཡིས།། དོན་དམ་ཀུན་རྫོབ་དབྱེར་མེད་པས།། ཡང་དག་ཉིད་དུ་རབ་ཏུ་རྟོགས།། བླ་མེད་ཐེག་ཆེན་དང་གནས་ནི།། དོན་དམ་དུ་ནི་དབྱེར་མེད་དེ།། ཀུན་རྫོབ་ཏུ་ནི་ཐམས་ཅད
321b4 ལ།། དག་དང་མ་དག་གཉིས་ཀར་འཛིན།། ཐབས་ཀྱི་ཐེག་པ་ཆེན་པོ་ནི།། རྣམ་པར་བྱང་དང་སྡུག་བསྔལ་དག། ཀུན་རྫོབ་ཏུ་ཡང་དབྱེར་མེད་དེ།། ལྟ་བ་མཐོ་དམན་དེ་ཙམ་མོ།། ཐབས་ཀྱི་ལྷ་སྤྱོད་ཆེན་པོ་ནི།། བླ
321b5 མེད་ཐེག་པ་ལས་འཕགས་པ།། དོན་དམ་དུ་ནི་ནོར་བདུན་ནོ།། ཀུན་རྫོབ་ཉིད་དུ་མཉམ་རྫོགས་སོ།། མཉམ་པ་ཉིད་ལས་མ་གཡོས་བཞིན།། ཐབས་ཀྱི་ཕྱག་རྒྱ་ཆེན་པོ་སྟོན།། ཐབས་དང་ཤེས་རབ་རྣམ་པར
321b6 དག། ཐམས་ཅད་དག་ཅེས་བྱ་བ་ཡང་།། དངོས་པོ་གསལ་དག་མ་ཡིན་ཏེ།། སྣང་སྤྱོད་གཉིས་ན་རྣམ་པར་དག། དམ་ཚིག་ཆེན་པོའི་མདོ་རྣམས་ལས།། རིགས་ལྔ་དག་ཏུ་བསྟན་པ་ནི།། ཆོས་རྣམས་མ་ལུས་ཐམས
iiif viewer powered by OpenSeadragon
