| e-texts navigator |
| Wylie |
320b1 པ་ཡིན།། ལས་དང་ཉོན་མོངས་ཐམས་ཅད་ལ།། མཉམ་པའི་དོན་དུ་མི་ཤེས་ཤིང་།། རྟེན་འབྲེལ་རྒྱུ་འབྲས་ཡོད་འཛིན་ན།། འདི་ནི་རང་སངས་རྒྱས་ཀྱི་ས།། ཆོས་རྣམས་ལུས་ཐམས་ཅད་ལ།། བདེན་བཞིའི་དངོས་པོ
320b2 ཡོད་བལྟ་ཞིང་།། སྤང་དང་མི་སྤང་བྱེད་འགྱུར་བ།། འདི་ནི་ཉན་ཐོས་ས་པ་ཡིན།། དགེ་བཅུ་དག་ལ་གཙོར་ལེན་ཅིང་།། དགེ་དང་མི་དགེ་མི་མཉམ་པས།། ལྷ་དང་མི་ཡི་སྐྱེ་གནས་ཏེ།། འདོད་ཁམས་དག་ཏུ་འཁོར
320b3 བའི་ས།། མཉམ་པའི་དོན་ཉིད་མི་རྟོགས་ཤིང་།། ཚད་མེད་བཞི་དང་བསམ་གཏན་བཞི།། རིམ་པར་སོ་སོར་བདག་འཛིན་ཅིང་།། གཟུགས་སོགས་དག་ལ་རབ་ཏུ་རྟོག། དེ་ནི་ཚངས་གནས་རིམ་པར་སྐྱེ།། མཉམ་པའི
320b4 གཟུགས་མེད་མ་རྟོགས་པར།། མིང་བཞི་མེད་པར་མ་ཤེས་ཏེ།། སྐྱེ་མཆེད་བཞི་ལ་གནས་གྱུར་པས།། སྲིད་པའི་རྩེ་མོའི་ས་རུ་སྐྱེ།། ཐམས་ཅད་མཉམ་པར་མ་ཤེས་ནས།། མ་ལུས་ཀུན་ལ་ཞེ་སྡང་ཞིང་།། སྙིང་རྗེ་ཡང
320b5 དག་མེད་གྱུར་ན།། འདི་ནི་མི་བཟད་ཆེན་པོ་ཡི།། དམྱལ་ཁམས་བཅུ་དྲུག་གནས་པ་ཡིན།། ཆགས་མེད་དངོས་པོ་མི་ཤེས་ནས།། ཐམས་ཅད་ཀུན་ལ་འདོད་ཆགས་ཤིང་།། ལུས་ཀྱི་སྒྲིབ་དང་ཟས་ཀྱི་སྒྲིབ།། ཡི་དྭགས
320b6 ཆེན་པོའི་གནས་སུ་སྐྱེ།། ང་དང་བདག་མེད་མི་ཤེས་ཤིང་།། ཆོས་རྣམས་ཀུན་ལ་རྨོངས་བྱས་པས།། ཤེས་རབ་མི་གསལ་དོན་མེད་པས།། དགེ་སྡིག་གཉིས་ཀྱི་དོན་མ་རྟོགས།། འདི་ནི་བྱོལ་སོང་གནས་སུ་སྐྱེས།། ཤིན
iiif viewer powered by OpenSeadragon
