| e-texts navigator |
| Wylie |
319b1 པས།། བལྟ་སྤྱོད་མཐུན་པས་འདིར་སྐྱེས་ཏེ།། གཅིག་ལ་གཅིག་ནི་མིག་འདྲར་བྱ།། ཤིན་ཏུ་གདུང་ཞིང་བརྩེ་བར་བྱ།། སྤྱོད་པ་ངན་སེམས་དཔྱ་བྱས་ན།། དམྱལ་བ་ཆེན་པོར་ལྟུང་བར་འགྱུར།། དེ་བས་དམ་ཚིག་འདའ
319b2 མི་བྱེད།། གསང་བའི་དམ་ཚིག་བསྟན་པ་ནི།། དེ་བཞིན་གཤེགས་པའི་དཀྱིལ་འཁོར་ནི།། སྲིད་གསུམ་མ་ལུས་ཀུན་ལ་ཁྱབ།། ཕྱིན་ཅི་ལོག་གིས་རབ་བསྒྲིབས་ནས།། དབུལ་པོའི་གཏེར་དང་གྱད་ཀྱི་ནོར་བུ་འདྲ།། དེ
319b3 བས་རྡོ་རྗེ་གསང་མཆོག་འདི།། ཐམས་ཅད་མཁྱེན་པའི་ཐུགས་རྗེ་ཡིས།། ཆོས་ལ་སྐྱོན་ཡོད་མ་ཡིན་ཏེ།། སེམས་ཅན་དོན་ཕྱིར་ཤིན་ཏུ་གསང་།། ཐེག་པ་དམན་དང་ཕྱིན་ཅི་ལོག། དེ་ལ་གསང་དོན་བསྟན་གྱུར
319b4 ན།། རང་བཞིན་གསང་དོན་མི་ཤེས་པར།། འཕྲལ་གྱི་སྤྱོད་ཚུལ་དེ་དག་ལ།། ཤིན་ཏུ་ངེས་པའི་དོན་བཟུང་ནས།། གསང་དོན་དེ་ཉིད་ལོག་པར་ཁྲིད།། མ་རྟོགས་དེ་ཉིད་དམྱལ་བར་འཁོར།། དེ་བས་ཤིན་ཏུ་གསང
319b5 བར་བྱ།། ཐུགས་རྗེ་ཆེན་པོ་དང་ལྡན་པའི།། ཐར་ལམ་ཀུན་ལ་མཁས་པར་བྱ།། ཤེས་རབ་མཆོག་དང་ལྡན་པས་ན།། སེམས་ཅན་སྣོད་ཀྱི་རིམ་པ་བཞིན།། ཐེག་པ་མཐོ་དམན་དོན་ཉིད་ནི།། སོ་སོར་འཚམས་པར
319b6 སྟན་དགོས་སོ།། དང་དུ་བླང་དང་མི་སྤང་བ།། རྣལ་འབྱོར་པ་ཡིས་རྟག་ཏུ་སྐྲད།། ཆགས་པ་མེད་པར་གྱུར་པ་དང་།། དངོས་གྲུབ་ཡ་མཚན་ཆེན་པོ་ནི།། དམ་ཚིག་མདོ་བཤད་ནང་ནས་འབྱུང་།། མ་རྟོགས་པ
iiif viewer powered by OpenSeadragon
