| e-texts navigator |
| Wylie |
319a1 བསྒོམས་ན།། བསོད་ནམས་ཚོགས་ཆེན་ཐོབ་པར་འགྱུར།། དེ་ཉིད་གཟུགས་བརྙན་ཚུལ་ཤེས་ན།། ཡེ་ཤེས་ཚོགས་ཆེན་ཐོབ་པར་འགྱུར།། རྣལ་འབྱོར་པས་ནི་རྟག་པར་བསྒོམ།། ཡི་དམ་ལྷ་དེ་སྤངས
319a2 བྱས་ན།། ངན་སོང་མི་བདེ་རྟག་ཏུ་མྱང་།། སྔགས་དང་ཕྱག་རྒྱ་རྒྱུན་མི་བཅད་པའི་དོན་ནི། སྔགས་དང་ཕྱག་རྒྱ་བར་མི་གཅད།། རྣལ་འབྱོར་བསྒྲུབ་པའི་ལམ་ཡང་ཡིན།། མི་གཏོང་སྡོམ་ཞིང་འདྲེན་པའང་ཡིན།། དོན
319a3 མཆོག་རྫོགས་པའི་གནས་ཡིན་ཏེ།། རྟག་ཏུ་མཉམ་གཞག་ཕྱག་རྒྱ་ཡིན།། དུག་གསུམ་གཏིང་འབྱིན་སྔགས་ཡིན་ཏེ།། ཡང་དག་དོན་ཆེན་ཀླུང་འདོད་པས།། དུས་མཚམས་མེད་པར་ཕྱག་རྒྱ་སྔགས།། ཡིད་བརྟན་རྟག
319a4 ཏུ་བཟླས་བསྒོམ་བྱ།། ཡོན་ཏན་ནམ་མཁའི་མཐའ་དང་མཉམ།། ཕྱག་རྒྱ་བསྐྱེད་དང་ཡི་གེ་ཨོཾ།། རྡོ་རྗེ་སློབ་དཔོན་མཚན་ཉིད་བསྟན་པ་ནི། བླ་མེད་དཀྱིལ་འཁོར་སྟོན་པ་པོ།། ཡོན་ཏན་ཟད་མེད་སྦྱིན་པ་ཡིན།། བྱང
319a5 ཆུབ་ལམ་ཆེན་འདྲེན་མཛད་པས།། ཆགས་མེད་ཞིང་དུ་འགོད་པ་ཡིན།། ཉོན་མོངས་སྡུག་བསྔལ་རྩད་གཅོད་ཅིང་།། འཁོར་བའི་ལམ་རྣམས་སྟོངས་པར་བྱེད།། མ་རིག་མུན་སེལ་སྒྲོན་མེ་ཡིན།། ལོང་བ་རྣམས་ཀྱི
319a6 དམིགས་བུ་མཁན།། དེ་ལ་རྟག་ཏུ་མཆོད་བྱས་ན།། སངས་རྒྱས་བྱང་ཆུབ་ཐག་མི་རིང་།། རྡོ་རྗེ་མཆེད་དང་ལྕམ་དྲལ་གྱི་མཚན་ཉིད་བསྟན་པ་ནི། རྡོ་རྗེ་རིགས་ཀྱི་སྤུན་ཡིན་ཏེ།། ཐོག་མ་མེད་ནས་ལས་མཐུན
iiif viewer powered by OpenSeadragon
