| e-texts navigator |
| Wylie |
318b1 སེམས་ཡིན་པས།། དུས་གསུམ་ན་ནི་རྒྱལ་མ་བཞུགས།། སུས་ཀྱང་མ་བཅོས་མ་བྱས་པའི།། བརྗོད་པའི་ཚིག་ལས་འདས་པ་དེ།། རྒྱལ་བ་ཡིན་ཞེས་རྒྱལ་བས་གསུངས།། དེ་ལྟར་ཤེས་པ་རྒྱལ་བ་བས།། ཐབས
318b2 མཁས་ཤེས་པའི་ཏིང་འཛིན་ཡིན།། ཕྱག་རྒྱའི་དམ་ཚིག་ནི། བདེ་གཤེགས་དཀྱིལ་འཁོར་མ་ལུས་ཀུན།། ཡེ་ནས་རང་བཞིན་གསལ་བ་ལས།། ཐམས་ཅད་ཀུན་ལ་ཡོད་པར་བཤད།། ཡེ་ཤེས་སེམས་དཔའི་དཀྱིལ
318b3 འཁོར་ནི།། བླ་ན་མེད་པའི་མཆོག་ཡིན་ཏེ།། རྡོ་རྗེའི་རིགས་མཆོག་ཐམས་ཅད་ཀྱིས།། བར་མ་ཆད་པར་རྟག་ཏུ་འགྲུབ།། བྱང་ཆུབ་ཤིང་དྲུང་སྐྱེ་བར་འགྱུར།། བླ་མེད་བྱང་ཆུབ་མཆོག་ཀྱང་འགྲུབ།། སྐྱེ་འཆི་མེད་པའི
318b4 བདེ་འགྲུབ་སྟེ།། སེམས་ལ་དབང་ཡང་ཐོབ་པར་འགྱུར།། སྤྱོད་ཡུལ་ཐམས་ཅད་སྨྱོན་ན་ཤེས།། གང་ཞིག་དཀྱིལ་འཁོར་འདི་སྤངས་ན།། ཉོན་མོངས་ངན་སོང་གནས་སུ་སྐྱེ།། བྱང་ཆུབ་འབྲས་བུ་ཐོབ་མི་འགྱུར།། བླ
318b5 མེད་འགྲོ་བའི་རྒྱུ་ཡང་ཆད།། རིགས་ཆད་ཉིད་དུ་སྐྱེ་བར་འགྱུར།། རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་དམ་ཚིག་རྣམ་པར་སྤྲོས་པའི་ལེའུ་སྟེ་ཉེར་དགུ་པའོ།། །། རྡོ་རྗེ་སེམས་དཔའ་བསྒྲུབ་འདོད་པས།། རྟག
318b6 ཏུ་མཉམ་པའི་དོན་རྟོགས་ལ།། སྐུ་ནི་འཇའ་ཚོན་ཚུལ་འདྲ་བར།། སྣང་ལ་རང་བཞིན་མེད་པར་བསྒོམ།། འཁོར་རྣམས་ཆུ་ཟླའི་ཚུལ་ཤེས་པར།། གསལ་ལ་རང་བཞིན་མེད་པར་བསྒོམ།། ལྷ་ཡི་སྐུ་རྣམས་གསལ
iiif viewer powered by OpenSeadragon
