| e-texts navigator |
| Wylie |
318a1 མེད་པ་ཞེས་བྱ་བའི་དམ་ཚིག་ནི། སེམས་ཅན་ཁམས་གསུམ་འཁོར་བ་ནི།། ཐོག་མ་མེད་ནས་སེམས་ཡན་གཏང་།། ཕྱིན་ཅི་ལོག་ལ་འབྱོལ་ཏོག་སྤྱད།། གཟུང་འཛིན་དོན་ལ་ཤིན་ཏུ་ཆགས།། དེས་ན
318a2 འཁོར་བར་རྟག་ཏུ་འཕྱན།། དེ་བས་རང་སེམས་རྟོགས་བྱས་ཏེ།། ལེ་ལོ་གཡེང་བ་ཡོངས་སྤངས་ཏེ།། ང་མེད་བདག་མེད་མཉམ་པར་བསྲུང་།། ཐམས་ཅད་འཇིགས་པར་བྱེད་པ་ཞེས་བྱ་བའི་དམ་ཚིག་ནི། རྡོ་རྗེ་སེམས
318a3 དཔས་བཀས་བཅད་པའི།། སྡོམ་པའི་རྩ་བ་ཐམས་ཅད་ཀུན།། དེ་བཞིན་དུ་ནི་མ་བསྲུངས་ན།། ཡཀྐ་ཁྲོ་བོ་མེ་དཔལ་གྱིས།། སྙིང་ནས་དྲངས་ཏེ་ཁྲག་འཐུངས་ནས།། ངན་སོང་གསུམ་དུ་སྐྱེ་བར་འགྱུར།། དེ་ཡི་སྡུག
318a4 བསྔལ་བཟོད་བླག་མེད།། དམ་ཚིག་འདི་ནི་རྡོ་རྗེ་ཆེ།། དམ་རྫས་སོ་སོར་སྤྱོད་པ་ཞེས་བྱ་བའི་དམ་ཚིག་ནི། རིགས་ལྔ་སོ་སོར་དབྱེ་བ་ཡི།། རྡོ་རྗེ་སེམས་དཔའ་གླང་པོའི་ཤ། རིན་པོ་ཆེ་ནི་རྟ་ཡི་ཤ། པདྨ་ཉ་ཡི་ཤ་ཆེན
318a5 ཏེ།། དོན་ཡོད་ནམ་མཁའ་ལྡིང་གི་ཤ། བདེ་གཤེགས་རིགས་ནི་ཤ་ཆེན་ནོ།། དབྱེའམ་ཡང་ན་མི་དབྱེ་བར།། ངེས་པར་དང་དུ་བླང་བའོ།། ཡང་ན་ཐམས་ཅད་གཅིག་ཏུ་བསྡུ།། ཡང་ན་མཚན་ཉིད་མེད་པར
318a6 བརྟགས།། ཏིང་ངེ་འཛིན་གྱི་དམ་ཚིག་ནི།། ཐམས་ཅད་མ་ལུས་ཆོས་སོ་ཅོག། དེ་བཞིན་ཉིད་ཀྱིས་རྒྱས་བཏབ་པས།། གཉིས་སུ་དབྱེར་མེད་ཏིང་འཛིན་བསྟན།། དེ་ལྟར་སངས་རྒྱས་སེམས་ཅན་ནི།། རང་གི་བྱང་ཆུབ
iiif viewer powered by OpenSeadragon
