| e-texts navigator |
| Wylie |
317b1 དུ།། ཡང་དག་པར་ནི་དབྱེར་མེད་དེ།། གང་ཡང་སྤང་བར་བྱ་བ་མིན།། ཐེག་པ་མཐོ་དམན་བསམ་ཡས་པ།། དོན་དུ་མི་འགྱུར་ཡོངས་མ་གསུངས།། ངན་སོང་གནས་རྣམས་ཐམས་ཅད་ཀུན།། བླ་མེད་བྱང་ཆུབ་རྒྱུ་ཡོད
317b2 པའོ།། ཐམས་ཅད་སྤྱོད་པ་ཞེས་བྱ་བའི་དམ་ཚིག་ནི། ཐམས་ཅད་ཀུན་ཏུ་བཟང་པོ་ཡིན།། འདོད་པའི་ཡོན་ཏན་ལྔ་རྣམས་ལ།། ཐོགས་པ་མེད་པར་སྤྱད་བྱ་སྟེ།། བསོད་ནམས་ཚོགས་ཆེན་ཡིན་པར་བཤད།། དེ་བཞིན
317b3 གཤེགས་པ་ལྔར་ཡང་བརྟགས།། གཞན་ཡང་སྟོང་ཁམས་ཐམས་ཅད་ནི།། ཤེས་རབ་དབྱིངས་དང་འདོད་ཡོན་རྣམས།། རབ་འབྲིང་ཐ་མ་ཐམས་ཅད་སྤྱད།། ཐམས་ཅད་མི་ཆུད་པ་ཞེས་བྱ་བའི་དམ་ཚིག་ནི། ཕྱོགས
317b4 དུས་མཉམ་པའི་དཀྱིལ་འཁོར་དུ།། རྡོ་རྗེའི་རིགས་མཆོག་མ་གཏོགས་པ།། ཐེག་པ་དམན་དང་ལྟ་བ་དམན།། དེས་ནི་ཐེག་མཆོག་རྟོགས་མི་འགྱུར།། མཉམ་པའི་དབྱིངས་ཀྱིས་ཀུན་ཁྱབ་ཀྱང་།། ཉོན་མོངས་སྡུག
317b5 བསྔལ་ཉིད་ཀྱིས་བསྒྲིབས།། དེ་ཡིས་ཡང་དག་ཉིད་མ་མཐོང་།། ཐམས་ཅད་བསྲུང་དུ་མེད་པ་ཞེས་བྱ་བའི་དམ་ཚིག་ནི། ཐམས་ཅད་མ་ལུས་སངས་རྒྱས་ལ།། བསྒྲུབ་ཅིང་བསྲུང་བར་བྱ་བ་མེད།། དགེ་དང་མི་དགེ
317b6 གཉི་ག་མེད།། ཉོན་མོངས་སྤངས་ཤིང་བྱང་བསྒྲུབ་མེད།། དེ་བཞིན་ཉིད་ཀྱི་ཀློང་གྱུར་ནི།། བདེ་དང་མི་བདེ་དབྱེར་མེད་དེ།། ཡེ་ནས་དག་མཉམ་ཉིད་དུ་གནས།། དེ་ལ་བསྲུང་དུ་རྡུལ་ཙམ་མེད།། ཐམས་ཅད་བསྲུང་བ
iiif viewer powered by OpenSeadragon
