| e-texts navigator |
| Wylie |
315a1 ཏེ།། དེ་བཞིན་ཐེག་ཆེན་བླ་མེད་ལ།། བྱང་ཆུབ་སངས་རྒྱས་ཀུན་ཀྱང་གནས།། ཐེག་པ་མཐོ་དམན་ཐམས་ཅད་འབྱུང་།། ཐམས་ཅད་ཐེག་ཆེན་དབྱིངས་སུ་འདུས།། སྲེག་བྱེད་ཡེ་ཤེས་མེ་ཞེས་བྱ་བའི
315a2 དམ་ཚིག་ནི། བདག་མེད་ཡེ་ཤེས་རང་རིག་གིས།། དངོས་དང་དངོས་མེད་བག་ཆགས་བསྲེག། རང་དང་སྤྱི་ཡི་ཆོས་རྣམས་དང་།། སེམས་ཀྱི་ཕྲ་རྟོག་ཐམས་ཅད་ཀུན།། དངོས་པོ་མེད་པར་རྟོགས་བྱས་ནས།། འཁོར
315a3 བ་མ་སྤངས་རྣམ་པར་དག། མྱ་ངན་མི་འདའ་ཡེ་ནས་གནས།། འགྲོ་དང་གནས་པར་བྱ་བ་མིན།། རྟོག་པ་ཐམས་ཅད་ཡེ་ཤེས་ཚོགས།། ཐམས་ཅད་འཁྲུ་བྱེད་ཅེས་བྱ་བའི་དམ་ཚིག་ནི། སེམས་ཅན་མ་ལུས་ཐམས་ཅད
315a4 ནི།། སྒྲིབ་གཉིས་དག་གིས་འཁོར་བར་འགྱུར།། མཉན་བསམ་བསྒོམས་པའི་ཤེས་རབ་ཀྱིས།། བདག་མེད་གཉིས་ནི་རྟོགས་བྱས་ནས།། ཕ་རོལ་ཕྱིན་རྫོགས་ས་བཅུ་བསྒྲུབ།། ས་གསུམ་ཡང་དག་རྫོགས་བྱས
315a5 ཏེ།། མཉམ་པའི་ཞིང་ལ་ཐམས་ཅད་བཀོད།། ཁྲུས་ཀྱི་མཆོག་ནི་འདི་ཡིན་ནོ།། གཡེང་བྱེད་ཆེན་པོ་ཞེས་བྱ་བའི་དམ་ཚིག་ནི། སེམས་ཅན་ཡེ་ནས་དག་པ་ལ།། བདག་འཛིན་རྡུལ་གྱིས་གཡོགས་པར་འགྱུར།། སེམས
315a6 དང་རྡུལ་རྣམས་མེད་རྟོགས་པས།། ཡེ་ཤེས་རླུང་གིས་བག་ཆགས་གཏོར།། ཆོས་རྣམས་ཡེ་ནས་རླུང་དང་འདྲ།། དེ་ལ་གཟུང་དུ་མེད་པ་ལྟར།། ཀུན་ལ་དེ་ལྟར་འབྱོར་བར་གྱིས།། མ་བཅོས་ཡེ་ནས་དེ་ལྟར
iiif viewer powered by OpenSeadragon
