| e-texts navigator |
| Wylie |
314b1 དམིགས་པ་བཞིན་དུ་འབྱུང་།། མི་ཟད་རིན་ཆེན་གཏེར་ཆེན་འགྲུབ།། གཞན་གྱིས་དབྲོག་ཏུ་མེད་པ་ཡི།། བོ་དྷིའི་དཀོར་ནི་རིན་པོ་ཆེ།། ཐུགས་རྗེ་ཆེན་པོའི་བྱིན་རླབས་ཀྱིས།། བྱ་བྱེད་མེད་པར་རྣམ་བཞི
314b2 མཛད།། མཛད་དང་མཛད་པར་བྱ་བ་མེད།། ཡེ་ནས་ལྷུན་གྲུབ་སངས་རྒྱས་ཆོས།། སྒྱུ་མའི་ཚུལ་དུ་ཀུན་ལ་སྤྱོད།། སྤྱོད་མེད་ངང་གིས་དཀྱིལ་འཁོར་ལ།། ཆགས་མེད་ཚུལ་དུ་རྣམ་པར་རོལ།། བྱ་བྱེད་རྣམ་པ་སྣ་ཚོགས
314b3 ཀྱང་།། བྱེད་པ་ཉིད་ན་ཆུ་ཟླའི་ཚུལ།། གཟུང་འཛིན་བྲལ་བའི་ཡེ་ཤེས་ནི།། རྩ་བ་ལྔ་ཞེས་བརྗོད་མོད་ཀྱི།། བརྗོད་པ་ཉིད་ན་ཡོངས་མེད་དེ།། མཚན་ཉིད་མེད་པ་སྣ་ཚོགས་སྣང་།། དེ་ཉིད་ཐམས་ཅད་མཁྱེན་ཉིད
314b4 ཡིན།། ཀུན་ལ་ཁྱབ་ཅིང་མི་གནས་པ།། དེ་ནི་རིག་པ་རང་དབང་འགྱུར།། བསམ་གྱིས་མི་ཁྱབ་ཀུན་ཏུ་ཁྱབ།། ནམ་མཁའ་སྣང་བྱེད་ཅེས་བྱ་བའི་དམ་ཚིག་ནི། ཆོས་རྣམས་མ་ལུས་ཐམས་ཅད་ལ།། དེ་བཞིན་ཉིད་ཀྱིས
314b5 ཀུན་ཏུ་ཁྱབ།། སྣོད་བཅུད་མ་ལུས་ཐམས་ཅད་ལ།། སྣང་བ་ཆེན་པོས་ཁྱབ་པར་འགྱུར།། ནམ་མཁའ་གཟུང་དུ་མེད་པ་ལྟར།། སྣང་སྲིད་ཐམས་ཅད་དེ་དང་འདྲ།། ཆོས་རྣམས་ཐམས་ཅད་སེམས་ཡིན་ཏེ།། སེམས་ནི
314b6 ནམ་མཁའི་རང་བཞིན་ནོ།། རྟེན་བྱེད་ས་ཆེན་ཞེས་བྱ་བའི་དམ་ཚིག་ནི། ཇི་ལྟར་ས་གཞི་ཆེན་པོ་ལ།། སེམས་ཀྱིས་ཟིན་དང་མ་ཟིན་པའི།། སྐྱེ་འཁྲུངས་མ་ལུས་ཐམས་ཅད་འབྱུང་།། ཐམས་ཅད་ཀུན་གྱི་གནས་རྟེན
iiif viewer powered by OpenSeadragon
