| e-texts navigator |
| Wylie |
314a1 གསུང་ཐུགས་དང་ཡེ་ཤེས་ལྔ།། ཐམས་ཅད་དོན་རྣམས་རྫོགས་པར་བྱས།། གཟུང་དང་འཛིན་པ་རྣམས་སྤངས་ཏེ།། མཉམ་པའི་དབྱིངས་ལས་སེམས་ཀྱིས་བལྟ།། སྐྱེ་འཆི་མེད་པར་ལྷུན་གྱིས་གྲུབ།། སྐུ
314a2 གསུང་ཐུགས་དང་ཡོན་ཏན་དང་།། ཕྲིན་ལས་རྨད་འབྱུང་ཀུན་གྲགས་པ།། གཞན་ནས་ཡོད་འོངས་མ་ཡིན་ཏེ།། རང་བྱུང་ཡེ་ཤེས་གནས་མེད་ཡིན།། མཐོང་བའི་ཚུལ་གྱིས་གཟུགས་སྣང་དང་།། བླ་མེད་བྱང་ཆུབ་སྐུར
314a3 སྣང་བ།། མེ་ལོང་ལྟ་བུའི་ཚུལ་བཞིན་དུ།། སྣ་ཚོགས་ཁ་དོག་དབྱིབས་སུ་སྣང་།། དེ་བཞིན་གཤེགས་པའི་གསུང་རྣམས་ནི།། སྒྲ་དང་མིང་ཚིག་ཀུན་ལས་འདས།། བརྗོད་མེད་རང་བཞིན་ཀུན་ཏུ་གོ། ཉོན་མོངས་མེད
314a4 ཅིང་བླ་མེད་སྒྲ།། མ་བརྗོད་སྟོང་གསུམ་གྲགས་པ་ཡི།། གསུང་བརྗོད་བསམ་གྱིས་མི་ཁྱབ་པ།། བརྗོད་པ་ཉིད་ནས་སྟོང་གསུམ་མེད།། དེ་ཉིད་སྣ་ཚོགས་བརྗོད་པའོ།། ཐམས་ཅད་མཁྱེན་པའི་ཐུགས་ལྡན་པ།། ཡང
314a5 དག་རྟོགས་པས་རབ་བརྟགས་ན།། གཞི་རྩ་མེད་དབྱིངས་སྐད་ཅིག་མ།། མཐའ་དང་དབུས་ཀྱང་བརྟག་ཏུ་མེད།། དེ་ཉིད་སྣ་ཚོགས་འབྱུང་བའི་རྒྱུ།། སུས་ཀྱང་མ་བཅོས་མ་བྱས་པ།། བདག་གིས་བདག་ཀྱང་དམིགས
314a6 མི་འགྱུར།། དངོས་མེད་ཀུན་ལ་དབང་བསྒྱུར་བ།། སྐུ་གསུང་ཡང་དག་ལྡན་གྱུར་ན།། ཡོན་ཏན་ནམ་མཁའི་མཐའ་དང་མཉམ།། མི་འགྱུར་སངས་རྒྱས་ཞིང་དུ་འུབ།། སྤྱོད་ཡུལ་མ་ལུས་ཐམས་ཅད་ལ།། ཇི་ལྟར
iiif viewer powered by OpenSeadragon
