| e-texts navigator |
| Wylie |
313b1 ནས།། རྡོ་རྗེའི་དབྱིངས་སུ་ཐིམ་པར་བྱ།། ཆོས་ཀྱི་འཁོར་ལོ་ཞེས་བྱ་བའི་དམ་ཚིག་ནི།། ཐུགས་རྗེ་ཆེན་པོའི་བྱིན་རླབས་ཀྱིས།། ཁམས་གསུམ་ཉོན་མོངས་འཁོར་བ་རྣམས།། གཞན་གྱིས་བཅིངས་ཏེ་འཁོར་བ
313b2 མིན།། འཛིན་རྟོག་ཆགས་པ་ཉིད་ཀྱིས་འཁོར།། བློ་ཆེན་རབ་ཏུ་ལྡན་པ་ཡིས།། ཆོས་ཀྱི་དོན་པོ་མཆོག་ཉོན་ལ།། འཁོར་བ་སྤང་མེད་སངས་རྒྱས་ཤིང་།། ཐམས་ཅད་མ་ལུས་ཆོས་ཉིད་རྟོགས།། རིན་ཆེན་འབྱུང་བ་ཞེས
313b3 བྱ་བའི་དམ་ཚིག་ནི། ནོར་གྱི་མཆོག་ནི་དཀོར་བདུན་ཡིན།། འདོད་པས་བཙལ་བར་མི་རྙེད་དེ།། རང་རིག་དབྱིངས་ཀྱི་ཡེ་ཤེས་དང་།། སྐུ་གསུང་ཐུགས་འདས་མི་དམིགས་པའི།། ཆགས་པ་མེད་པའི་ཚུལ་གྱིས
313b4 ནི།། གཉིས་སུ་མེད་པར་འབྱོར་བྱས་ན།། ནོར་བདུན་ཆེན་པོ་འབྱུང་བར་འགྱུར།། མཚན་དང་དཔེ་བྱད་སྣ་ཚོགས་ལྡན།། པདྨ་ཆགས་མེད་ཅེས་བྱ་བའི་དམ་ཚིག་ནི། འཇིག་རྟེན་འདས་དང་འཇིག་རྟེན་པའི།། ཆོས
313b5 རྣམས་མ་ལུས་ཐམས་ཅད་ལ།། བསྒོ་དང་བསྒོ་བར་བྱ་བ་མེད།། པདྨ་འདམ་ནས་སྐྱེས་པ་འདྲ།། ཇི་ལྟར་སྣང་བ་ཐམས་ཅད་ཀུན།། བདག་ལས་གུད་ན་གཅིག་ཀྱང་མེད།། བདག་ཉིད་ཤིན་ཏུ་མི་དམིགས་པས།། ཉོན
313b6 མོངས་ཉིད་ཀྱང་བྱང་ཆུབ་ཞིང་།། དོན་རྣམས་སྒྲུབ་པ་ཞེས་བྱ་བའི་དམ་ཚིག་ནི། རྡོ་རྗེའི་རིགས་ཀྱིས་ཐམས་ཅད་བཅོམ།། རིན་ཆེན་རིགས་ཀྱིས་ཡོན་ཏན་འབྱིན།། པདྨའི་རིགས་ཀྱིས་ཆགས་མེད་འགྱུར།། སྐུ
iiif viewer powered by OpenSeadragon
