| e-texts navigator |
| Wylie |
313a1 གིས་ལེན་ཅིང་གང་ལ་སྤྱོད།། སྣང་སྲིད་མ་ལུས་ཐམས་ཅད་ལ།། ཐོགས་པ་མེད་པར་སྤྱོད་འགྱུར་ཡང་།། འཆིང་བར་མི་འགྱུར་བསོད་ནམས་ཚོགས།། ཆགས་མེད་ཡེ་ཤེས་ཆེན་པོ་ཡིན།། མ
313a2 ལུས་ཐམས་ཅད་ཆོས་ཀྱི་དབྱིངས།། དེ་ལྟར་རང་རིག་ཡིན་པར་བཤད།། གཉིས་སུ་མེད་པར་རྟོགས་གྱུར་ནས།། བླངས་པ་ཉིད་ན་ཀུན་ཏུ་བཟང་།། རྫུན་དུ་སྨྲ་བ་ཞེས་བྱ་བའི་དམ་ཚིག་ནི། ཆོས་རྣམས་མ་ལུས་ཐམས
313a3 ཅད་ཀུན།། ཡེ་ནས་དངོས་པོ་ཡོད་མ་ཡིན།། རང་བཞིན་ངང་གིས་འོད་གསལ་ལ།། མིང་ཙམ་ཚིག་གིས་མཚོན་མོད་ཀྱིས།། མིང་དང་ཚིག་ལ་དངོས་པོ་མེད།། མ་རིག་པ་ཡི་འཁྲུལ་རྟོག་གིས།། ང་དང་བདག་ཏུ་མེད་པ
313a4 ལ། སོ་སོའི་མཚན་མ་དངོས་པོར་བཟུང་།། འཛིན་པའི་དངོས་པོ་ཡོངས་མེད་དེ།། ཆོས་རྣམས་ཐམས་ཅད་མིང་ཚིག་ཙམ།། ཇི་སྙེད་མང་པོ་བརྗོད་པ་ཡང་།། རྗོད་པར་བྱེད་དང་བརྗོད་པ་མེད།། ཆོས་རྣམས་ཐམས
313a5 ཅད་རྫུན་དུ་སྣང་།། རྫུན་ཉིད་ལ་ནི་རྫུན་སྤྱོད་དེ།། རྫུན་ཞེས་བཏགས་ཙམ་ཡོད་མ་ཡིན།། ཐམས་ཅད་རྫུན་གྱི་ཚིག་བཞིན་ནོ།། རྡོ་རྗེའི་འཇོམས་བྱེད་ཅེས་བྱ་བའི་དམ་ཚིག་ནི། ཐོག་མ་མེད་ནས་ཕྱིན་ཅི་ལོག། བདག
313a6 དང་བདག་ཅེས་མེད་པ་ལ།། རྣམ་རྟོག་མཚན་མ་སོ་སོར་འཛིན།། འཛིན་པའི་དངོས་པོ་ཡོད་མ་ཡིན།། མི་མཐུན་མཚན་མ་གཞོམ་པའི་ཕྱིར།། རྡོ་རྗེ་ལྟ་བུའི་ཏིང་འཛིན་གྱིས།། བདག་རྟོག་བག་ཆགས་ཀུན་བཅོམ
iiif viewer powered by OpenSeadragon
