| e-texts navigator |
| Wylie |
312b1 བསྒོམས་བྱས་ནས།། ཐམས་ཅད་མ་ལུས་བསྲེག་པར་བྱ།། དབྱིངས་སུ་ཡང་ནི་བསྟིམས་བྱས་ཏེ།། དེ་བཞིན་གཤེགས་པར་བྱིན་གྱིས་བརླབས།། རྒྱལ་བའི་སྲས་སུ་དབང་ཡང་བསྐུར།། དེ་ལྟར་བསྒྲལ་བར་ཀུན་བྱས
312b2 ཀྱང་།། བསྒྲལ་བའི་དངོས་པོ་གང་ཡང་མེད།། ཕུང་པོ་ལྔ་པོ་གཞིག་པ་ལ།། བཤིག་ནས་འབྱུང་བ་བག་ལ་ཞ།། མ་བཤིགས་ན་ཡང་འབྱུང་བ་ཡིན།། རྣམ་ཤེས་མེད་པས་བསད་བྱས་ན།། གནས་པ་ཉིད་ན་དངོས་པོ
312b3 མེད།། སེམས་ཀྱི་རང་བཞིན་དེ་ལ་ནི།། དུས་གསུམ་སངས་རྒྱས་དགྲར་ལངས་ཀྱང་།། སུས་ཀྱང་ཟིན་ཅིང་སོད་པ་མེད།། འོ་ན་ཐུགས་རྗེས་གང་བསྒྲལ་ན།། རྣམ་རྟོག་མཚན་མ་ཐམས་ཅད་ཀུན།། ཕྱིན་ཅི་ལོག་ལས
312b4 བཟློག་བྱས་ཏེ།། ཏིང་འཛིན་སྔགས་དང་ཕྱག་རྒྱ་དང་།། ཤིན་ཏུ་གོམས་པས་དབང་བསྐུར་ཏེ།། བྱང་ཆུབ་ཞིང་ལ་དགོད་པར་བྱ།། དེ་ཙམ་ལ་ནི་བསྒྲལ་ཞེས་གདགས།། བསྒྲལ་བ་ཉིད་ན་སྦྱོར་བ་ཡིན།། ཉོན་མོངས
312b5 སྡུག་བསྔལ་རྩད་བཅས་ནས།། བྱང་ཆུབ་གནས་སུ་བསྒྲལ་བས་ན།། གཉིས་མེད་དབྱིངས་སུ་སྦྱོར་བ་ཡིན།། མ་བྱིན་པར་ལེན་པ་ཞེས་བྱ་བའི་དམ་ཚིག་ནི། འཇིག་རྟེན་འདས་དང་འཇིག་རྟེན་པའི།། ཆོས་རྣམས་མ
312b6 ལུས་ཐམས་ཅད་ཀུན།། བདག་དང་བདག་གིར་གཞན་ན་མེད།། རང་བཞིན་ངང་གིས་བདག་མེད་པ།། ཀུན་ལ་ཐོགས་མེད་སྤྱད་འགྱུར་ཡང་།། སྤྱད་དང་སྤྱོད་པ་གཉི་ག་མེད།། ཐམས་ཅད་ཡེ་ནས་སྟོང་པ་ལ།། གང
iiif viewer powered by OpenSeadragon
