| e-texts navigator |
| Wylie |
312a1 འཁོར་ཀུན་བཀོད་ལ།། བདག་ཉིད་རིག་པའི་ལྷར་བསྒོམས་ཏེ།། གཉིས་སུ་མེད་པར་ལྡན་པར་བྱ།། རྡོ་རྗེ་དྲིལ་བུ་ལྡན་གྱུར་ནས།། བྱང་ཆུབ་པདྨ་ཤིན་ཏུ་སྤྲོ།། ཕྱོགས་དུས་དཀྱིལ་འཁོར་མཉེས་པ
312a2 དང་།། འགྲོ་བ་མང་པོ་བདེ་ཐོབ་ནས།། སླར་ཡང་གཉིས་མེད་དབྱིངས་སུ་བསྟིམ།། ཐིམ་གྱུར་དབྱིངས་ནས་ཕྱག་རྒྱ་འབར།། བདེ་གཤེགས་ཐབས་དང་ཤེས་རབ་རྫོགས།། ཕྱག་རྒྱ་དྲུག་ཀྱང་ཡང་དག
312a3 རྫོགས།། བསོད་ནམས་ཚོགས་ཆེན་གཉིས་ཀྱང་རྫོགས།། ཐམས་ཅད་དབྱིངས་སུ་འབྱོར་པས་ན།། ངན་འགྲོར་མི་ལྟུང་ཡང་དག་འགྲུབ།། འདི་ནི་བསྒྲལ་བ་ཆེན་པོ་ཡིན།། བསྒྲལ་བ་ཉིད་ན་སྦྱོར་བ་ཉིད།། སྦྱོར་བ
312a4 ཉིད་ན་མ་ལུས་བསྒྲལ།། ཐམས་ཅད་མ་ལུས་པར་བསྒྲལ་བ་ཞེས་བྱ་བའི་དམ་ཚིག་ནི། ཕྱི་ནང་སྣོད་བཅུད་ཇི་སྙེད་པར།། གནས་པའི་སེམས་ཅན་ཐམས་ཅད་ཀུན།། བདག་ཉིད་ཆེན་པོར་རྟོགས་པ་ཡིས།། དབྱིངས་སུ
312a5 ཡང་ནི་བསྒྲལ་བར་བྱ།། ཤིན་ཏུ་ཕྲ་བ་ཆེན་པོ་ཡིས།། ཐབས་ཀྱིས་ལྷ་ཆེན་བསྒྲལ་བ་ལྟར།། ཆོས་ཉིད་རྟོགས་པའི་ཏིང་འཛིན་གྱིས།། གཉིས་སུ་མེད་པར་ཐབས་ཀྱིས་བསྐུལ།། ཐུགས་རྗེ་ཆེན་པོའི་བྱིན་རླབས
312a6 ཀྱིས།། ལམ་ལྔའི་སེམས་ཅན་ཀུན་བཀུག་ནས།། ཐམས་ཅད་མ་ལུས་བསྒྲལ་བར་བྱ།། རི་རབ་ཆེན་པོའི་གླིང་བཞི་ལ།། གནས་པའི་སེམས་ཅན་མ་ལུས་ཀུན།། ཐུགས་རྗེ་ཆེན་པོས་བྱིན་བརླབས་ཏེ།། ཡེ་ཤེས་མེ་ཆེན
iiif viewer powered by OpenSeadragon
