| e-texts navigator |
| Wylie |
311b1 སྣང་བ་ཐམས་ཅད་ཀྱང་།། སྣང་བ་ཉིད་ན་རང་བཞིན་མེད།། དེ་ཉིད་ཤེས་རབ་ཡིན་པར་བཤད།། རྟག་ཏུ་ཐབས་ཉིད་མི་དམིགས་པའོ།། ཤེས་རབ་ཉིད་ཐབས་སུ་སྦྱོར་བ་ཞེས་བྱ་བའི་དམ་ཚིག་ནི། དེ་བཞིན་ཉིད་ཀྱི
311b2 དབྱིངས་ཉིད་ལས།། རོལ་པ་སྣ་ཚོགས་ཅིར་ཡང་འབྱུང་།། འབྱུང་བ་ཉིད་ན་རང་བཞིན་མེད།། མེད་པ་ཉིད་ན་སྣ་ཚོགས་སྣང་།། ཐམས་ཅད་ཤེས་རབ་དབྱིངས་ལས་འབྱུང་།། མཉན་བསམ་བསྒོམ་པའི་ཤེས་རབ
311b3 ཀྱིས།། ཤེས་རབ་ཐབས་ཀྱིས་དོན་རྟོགས་བྱོས།། ཀུན་ལ་དེ་ལྟར་འབྱོར་བར་གྱིས།། གཉིས་མེད་བྱང་ཆུབ་སེམས་ཞེས་བྱ་བའི་དམ་ཚིག་ནི། ཐབས་དང་ཤེས་རབ་ལྡན་གྱུར་ན།། གཉིས་མེད་བྱང་ཆུབ་སེམས་འཕྲོས
311b4 ནས།། ཀུན་གྱི་འབྱུང་གནས་བྱེད་པའོ།། དེ་ཡིས་མ་བྱས་གང་ཡང་མེད།། ཁ་དོག་དབྱིབས་རིགས་གང་ཡང་མིན།། ཤིན་ཏུ་བརྟག་དཀའ་སུས་མི་རིག། བདག་གིས་བདག་ཀྱང་མི་མཐོང་ན། གཞན་གྱིས་མཐོང་བར
311b5 ག་ལ་འགྱུར།། ཐམས་ཅད་སྦྱོར་བྱེད་ཅེས་བྱ་བའི་དམ་ཚིག་ནི། ཡེ་ནས་ལྷ་དང་ལྷ་མོ་ཡི།། དཀྱིལ་འཁོར་ཡང་དག་སྦྱོར་བ་དང་།། དབང་པོ་ཡུལ་དུ་སྦྱོར་བའོ།། ཕུང་པོ་ལྔ་ཉིད་དེ་བཞིན་གཤེགས།། འབྱུང་བ་ལྔ་ཉིད
311b6 ཡུམ་དུ་སྦྱོར།། དུས་བཞི་ལྷ་མོ་ཉིད་དུ་སྦྱོར།། རྟག་ཆད་མུ་བཞི་ཁྲོ་མོའོ།། ཐམས་ཅད་མ་ལུས་འབྱུང་བ་ཀུན།། མཉམ་པའི་དབྱིངས་དང་རིག་པར་སྦྱོར།། ཡང་ན་ཤེས་རབ་དབྱིངས་མ་ལ།། བདེ་གཤེགས་དཀྱིལ
iiif viewer powered by OpenSeadragon
