| e-texts navigator |
| Wylie |
311a1 ཆུབ་སྡོམ་བྱེད་ཅེས་བྱ་བའི་དམ་ཚིག་ནི། གཟུང་འཛིན་བྲལ་བའི་ཡེ་ཤེས་ཀྱིས།། ཆགས་མེད་དབྱིངས་ལ་མཉམ་བཞག་ན།། ཐམས་ཅད་དེ་བཞིན་ཉིད་ཀྱི་ཞིང་།། ཉོན་མོངས་སྡུག་བསྔལ་འབྱུང་མི
311a2 འགྱུར།། ཆོས་ཀྱི་རང་བཞིན་ཇི་ལྟ་བུར།། བདག་གིས་ཡང་དག་རྟོགས་བྱས་ཏེ།། ཐེག་པ་དམན་དང་ཕྱིན་ཅི་ལོག། ཐམས་ཅད་མཉམ་པའི་དབྱིངས་སུ་དགོད།། ཕྱོགས་དུས་གཉིས་མེད་ཅེས་བྱ་བའི་དམ་ཚིག་ནི།།
311a3 ཕྱོགས་བཅུ་དུས་བཞི་ཐམས་ཅད་ཀྱང་།། རྟོག་པའི་མཚན་མ་སོ་སོར་སྣང་།། སྣང་བ་ཉིད་ན་དབྱེར་མེད་དེ།། མཐའ་དབུས་མེད་དེ་ཟླུམ་པོ་ཡིན།། དེ་བཞིན་རང་གི་རིག་པ་ཡང་།། མཐའ་དང་དབུས་མེད་དུ་མ
311a4 མིན།། གང་དུ་མི་འགྲོ་ཀུན་ཏུ་ཁྱབ།། ཀུན་ལ་བདེ་སྦྱིན་མི་གནས་པའོ།། ཐམས་ཅད་འབྱོར་ལྡན་ཞེས་བྱ་བའི་དམ་ཚིག་ནི། ཆོས་རྣམས་སོ་སོར་རྟོགས་བྱས་ཤིང་།། ཐམས་ཅད་གཉིས་མེད་དབྱིངས་ཤེས་ན།། མི་ཟད
311a5 པར་ལྡན་རྒྱན་འཐོབ་སྟེ།། ཀུན་ཏུ་ཟད་མེད་རིན་ཆེན་གཏེར།། དེ་བཞིན་ཉིད་ལ་གནས་བཅས་ན།། ཉོན་མོངས་སྡུག་བསྔལ་མི་འབྱུང་སྟེ།། རྟག་ཏུ་བདེ་གནས་བྱང་ཆུབ་ཉིད།། མཚན་དང་དཔེ་བྱད་ཀུན་དང
311a6 ལྡན།། ཐབས་ཉིད་ཤེས་རབ་ཅེས་བྱ་བའི་དམ་ཚིག་ནི། ཇི་ལྟར་སྣང་བ་ཐམས་ཅད་ཀུན།། ཐམས་ཅད་ཐབས་ཀྱི་རང་བཞིན་ཏེ།། ཐབས་ལ་ཐབས་ནི་རྣམ་པར་སྦྱོར།། སྦྱོར་དང་སྦྱོར་བ་གཉིས་ཀ་མིན།། སྣ་ཚོགས
iiif viewer powered by OpenSeadragon
